Mambu Binganga Badi mu Kuvanga mu Mvita wu Ucrânia—Mbi Kibibila Kintuba?

Tala mambu batubidi matedi zimfumu zi binganga ayi mvita ku Ucrânia:

• “Mfumu yi kinganga ki Ortodoxa ku Rússia, bantedilanga Cirilo, kasa tuba ko ni diambu matedi mvita tsi’andi badi kunuanisina basi Ucrânia. . . . Kinganga kiandi badi mu kutiamuna mambu ma luvunu matedi basi Ucrânia. Ayi ntinu wu Rússia bantedilanga Putin, wusadila mambu amomo muingi kubaka bibila bi kunuanisa basi Ucrânia.”—EUobserver, 7 Ngonda Yintatu, 2022.

• “Cirilo wutuba ti mvita awowo widi mu kumonika muingi basi Ucrânia bafuta masumu mawu.”—AP News, 8 Ngonda Yintatu, 2022.

• “Mu kikunda, mfumu kinganga ki Ortodoxa ku Ucrânia, bantedilanga Epifânio I, wusakumuni basi Ucrânia muingi kenuana mvita na basi Rússia.’ Nandi wutubidi mvandi ti disi ko disumu kuvonda masodi ma basi Rússia.”—Jerusalem Post, 16 Ngonda Yintatu , 2022.

• “Befu [dingumba dinkengidilanga ayi dintuadisanga binganga bioso ku Ucrânia (UCCRO)] tumbuela mioko masodi ma basi Ucrânia ayi baboso badi mu kutusadisa ayi tuidi mu kuba natanga mu minsambu.”—UCCROa Statement, 24 Ngonda Yimmuadi , 2022.

Buidi wummuena? Binganga bantubanga ti banlandakananga Yesu, bafueti kindisa bisielu biawu kunuana mvita? Mbi Kibibila Kintuba?

Tona Thama Binganga Biwombo Binkotanga mu Mimvita

Tona thama, binganga biwombo bankotanga mu mimvita, bankikininanga miawu, bantuadisanga miawu vayi bantubanga ti ndembama bantomba. Vayi tona thama, Zimbangi zi Yave bansadisanga batu kumona ti mambu binganga abiobio bamvanganga masi ko mamboti. Tala mua bifuani bidi mu bilongulu bitu:

• Mu dilongi—As ‘Cruzadas: uma trágica ilusão’ yimonisa buidi kinganga ki Católica Romana kidi fotu mu lufua lu batu bawombo.

• Mu dilongi “A Igreja Católica na África” yimmonisa ti kinganga ki católica kisa vanga ko ni kiuma muingi kutula nkaku mu mvita wuvonda batu bawombo.

• Mu malongi “A culpa é da religião?”, “O papel da religião nas guerras humanas” e “A religião toma partido” mansudikisa buidi zimfumu bi binganga ki Católica, Ortodoxa ayi Protestante, babuedila mioko mimvita mu zikhonzu zia ziwadi.

Bukiedika ti Baklistu Bafueti Buela Mioko Mimvita?

Mbi Yesu kalonga: ‘Zola wadi yaku dedi bo weti kukizodilanga.’ (Matai 22:39) ‘Tatamana kuzola zimbeni ziaku.’—Matai 5:44-47.

Mbi Yesu kalonga: “Kintinu kiama kisi ko kithuadi na nza ayiyi. Boti kintinu kiama kidi khituadi na nza ayiyi khanu bisadi biama bankuiza nduanina.” (Yoane 18:36) “Baboso bamvondilanga mu mbedi bela fuilu mu mbedi.”—Matai 26:47-52.

Yindula mu mambu amama: Boti Baklisto balendi nuana ko, ni kheti muingi kukakidila Yesu, bukiedika ti balenda simba mata muingi kunuana? Tanga dilongi “A guerra é compatível com o cristianismo?” muingi wumona buidi baklisto mu sekulu yitheti balandikinina kifuani ki Yesu ayi mambu nandi kalonga.

Mambu mbi mala monikina binganga bimbuelanga mioko mimvita?

Kibibila kinlonga ti Nzambi kakikininanga ko binganga bintubanga ti Yesu banlandakana, vayi batumukinanga ko malongi mandi.—Matai 7:21-23; Titu 1:16.

• Buku yi Nzaikusu yimmonisa ti Nzambi wumvananaga foto kuidi binganga abiobio mu lufua lua batu boso bamvondanga va ntoto.” (Nzaikusu 18:21, 24) Muingi wuzaga kibila mbi, tanga dilongi, “O que é Babilônia, a Grande?”

• Yesu wumonisa ti Nzambi wala tulula binganga bioso nandi kakhambu kikininanga mu kibila ki mavanga mawu mambi, dedi bo banzengilanga ayi bamvikilanga ku mbazu nti wumanga kubutanga makundi mamboti.” (Matai 7:15-20) Tanga dilongi “O fim da religião falsa está próximo!” muingi wuzaba buidi mawu mala monikina.

Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images