MALONGI 2

Nani Nzambi’e?

1. Kibila mbi tu fweti ku bongimina Nzambi’e?

Nzambi yi kyedika nandi ḿvangi bya byoso. Kasi ko ntonunu ayi mbanunu. (Minkunga 90:2) Nandi ntwadisi zi nsangu zimbote zi sonama mu kibibila. (1 Timoteo 1:11) Bo bukeli ti nandi wu tu vana luzingu, dyawu tu ku ḿbongiminanga.—Tanga Nzaikusu 4:11.

2. Bwidi Nzambi kadidi’e?

Vasiko muntu wu mana mona Nzambi kibila nandi mpevi, mansundula ti, bu mpila bwandi bu lutidi mu bivangu bya byoso bi ǹtoto. (Yoane 1:18; 4:24) Tu beki bu kuzabila zimkalulu zi Nzambi, mu bivangu byandi. Mu kutala mintindu mi makundi ayi bi teka bi mbote, bi monisa luzolo ayi ndweng’andi. Bu todila ǹza bumonisa lulendu voti ǹgolo zi Nzambi.—Tanga Loma 1:20.

Tu lenda be longuka zimpila zi Nzambi, bo tum tanga kibibila. kyawu ki tu monisa mbi Nzambi ka tidi ayi mbi ka manga ku tya. Kimonisa ḿvandi, bwidi ka nkyebilanga bantu ayi bwidi ka yindudilanga mu mambu mawombo ma ka ndengananga.—Tanga Minkunga 103:7-10.

3. Nzambi widi dizin’e?

Dizina di Nzambi, Yave, mu zimbembo ziǹkaka

Yesu utuba: “Tat’eto diena mu mazulu, bika nkumbu aku yazituswa”. (Matai 6:9) Nzambi widi zintangununu ziwombo, angi dizina di mweka to kadi. Mu kadika mbembo dintedulu mu mpil’andi. Angi mu mbembo’itu tu kuntedilanga “Yave”.—Tanga Yesaya 42:8.

Dizina di Nzambi di botulu mu bibibila bi ǹkaka ayi ba balula ntangununu muna Mfumu ove Nzambi. Angi kibibila kinteti ki sonama dizina di Yave mu 7 di biveve bi mintulu. Yesu wu zabikisa dizina di Nzambi kwidi bantu, bu ka ba longanga.—Tanga Yoane 17:26.

4. Yave wu tu vwilanga ǹkinz’e?

Matata baǹtatubuka mu kimbevo ki mwan’awu — Buka tata yi luzolo, Nzambi wunsalanga bwingi ǹzingulu’itu yi ba yi mbote ḿvu ka ḿvu

Zimpasi ziwombo zi tu monanga, zi nsundula ti Yave Nzambi ka tu vwilanga ko ǹkinz’e? Ba ǹka ba ǹtubanga ti Nzambi, wu tu ntotanga dyawu tu mwenanga zimpasi, angi bwisi ko buawu.—Tanga Yakobi 1:13.

Nzambi wu monisa luvalu mu kadika muntu dyawu ka bikila nafeka ka sola ma mbote ayi ma mbi. Bwisi ko bu mbote kuzaba ti ngyewu veka wunsola kusadila Nzambi’e? (Yosua 24:15) Angi bawombo ba ǹsolanga ku vanga mbi mu banka, dyawu zimpasi zi sabidi. Yave wunyonganga beni mu mambi ma ka monanga.—Tanga Ngenesi 6:5, 6.

Yave wu tu kyebanga. Dyawu nandi ka ǹtombila tu baka ǹzingulu zimbote. Ku ǹtwala, nandi wela manisa zimpasi ayi ba ḿfululanga zyawu. Nandi wu ḿbikilanga zimpasi zi bantu mu ntangu ilwelu. Mu kapu 8, tu ǹzaba kibila beni.—Tanga 2 Petelo 2:9; 3:7, 13.

5. Bwidi tu lenda fikimina kwidi Nzambi’e?

Yave wu tu tumisa tu ḿfikama mu nzila yi lu sambulu. Nandi wu ḿvwilanga ǹkinza mu muntu ka muntu. (Minkunga 65:2; 145:18) Wu kubama kadi mu ku lemvukila masumu mitu. Nketi tu sumukini, nandi wu monanga mangolu ma tumvanganga mu kunsadila. Tu zebi ti twisi ko bantu ba vedela, angi tu lenda ba kintwadi na Nzambi.—Tanga Minkunga 103:12-14; Yakobi 4:8.

Vasiko muntu wu tu lenda zola bu tunzodilanga Yave, kibila nandi wu tu vanga. (Malako 12:30) Bo wu monisinanga luzolo lwaku kwidi Nzambi, mu kuvisikisa bu mbote kibibila ayi bo wumvangilanga ma kantomba bwa buna wumbwedila kufikimina kwidi nandi.—Tanga 1 Timoteo 2:4; 1 Yoane 5:3.