DILONGI 46
Mbi Bilenda Kusadisa Kubaka Makani ma Kukivana Kuidi Yave ayi Kubotama?
Ava kubotama, vantombulu theti kukivana kuidi Yave mu nzila nsambu mu kunkanikisa ti wunkuiza buongimina to nandi ayi wunkuiza nsadila mu luzingu luaku loso. (Minkunga 40:8) Ngie kuvanga mawu wunkuiza monisa kuidi bankaka ti makivana kuidi Yave. Makani ma kukivana kuidi Yave madi makani malutidi nkinza wulenda baka. Mbi bilenda kusadisa kubaka makani amomo malutidi nkinza mu luzingu luaku?
1. Mbi binnatanga mutu kubaka makani ma kukivana kuidi Yave?
Tukivaninanga kuidi Yave kibila tukunzolanga. (1 Yoane 4:10, 19) Kibibila kintuba: “Zola Yave Nzambi’aku mu ntim’aku woso, mu muel’aku woso, mu mayindu maku moso ayi mu zingolo ziaku zioso.” (Malako 12:30) Tummonisanga ti tunzolanga Yave kubika kuandi to mu mambu tuntuba vayi mvandi mu mambu tumvanga. Dedi bo bakuela bammonisinanga luzolo, mvandi luzolo luitu mu Yave lu tunatanga kukivana kuidi nandi ayi kubotama.
2. Lusakumunu mbi wala tambula ngie kubotama?
Ngie kubotama, wunkuiza ba wumueka mu dikabu di Yave. Wunkuiza mona luzolo nandi kadi mu ngiewu mu ziphila ziwombo. Mvandi kikundi kiaku na Yave kinkuiza luta ba kingolo. (Tanga Malaki 3:16-18.) Kutadila Yave banga tata kunkuiza kusadisa kuba va khati dikanda di zikhomba zi bakieto ayi zi babakala banzolanga Yave ayi bakuzolanga. (Tanga Malako 10:29, 30.) Bukiedika, ava kubotama vadi mua mambu ngie fueti vanga. Wufueti longuka matedi Yave, kunzola ayi kuba kiminu mu muan’andi. Bosi, ngie fueti kukivana kuidi Yave mu nzila nsambu mu kunkanikisa kunsadila mu luzingu luaku loso. Ngie kuvanga mawu, wala baka mayangi ma mvu ka mvu. Kibibila kintuba: “Kubotama . . . kumuvukisa bubu.”—1 Petelo 3:21.
BUELA LONGUKA
Fiongunina kibila mbi didi diambu dinkinza kubaka makani ma kukivana kuidi Yave ayi kubotama.
3.Befu boso tufueti sola nani tunkuiza buongimina
Bawombo mu basi Isaeli mu thangu yikhulu, baba yindulanga ti balenda buongimina Yave ayi yoyawu thangu kubuongimina zinzambi zi luvunu, dedi Baal. Vayi Yave wufila mbikudi’andi Elia muingi kaba sudikisa ti mayindu mawu maba mambi. Tanga 1 Mintinu 18:21, bosi tubilanu kiuvu kinlanda:
Khanu makani mbi basi Isaeli babaka?
Dedi basi Isaeli, mvitu tufueti sola nani tunkuiza buongimina. Tanga Luka 16:13, bosi tubilanu biuvu binlanda:
Kibila mbi tulendi buongimina ko Yave ayi yoyawu thangu kubuongimina biuma binkaka?
Buidi tulenda monisina kuidi Yave ti tusola kumbuongimina?
4.Yindula ziphila Yave kamonisina ti wu kuzolanga
Yave wu tuvananga biuma biwombo bimboti, buabu mbi tulenda kumvana? Tala VIDEO.
Mu ziphila mbi Yave ka kumonisinanga luzolo? Tanga Minkunga 104:14, 15 ayi 1 Yoane 4:9, 10, bosi tubilanu biuvu binlanda:
Nkhayilu mbi wu Yave ngie wunluta zolanga?
Mbi minkhayilu amiomio mi tulonga matedi Yave?
Bo tuntambula nkhayilu tunzolanga, tumvutulanga matondo. Tanga Deutelonomi 16:17, bosi tubilanu kiuvu kinlanda:
Bo wunyindula mambu moso Yave kama kuvangila, mu ziphila mbi ngie wulenda kuntondila?
5. Kukivana kuidi Yave kuntuadisanga lusakumunu
Batu bawombo bankikininanga ti kuba beni wuzabakana, voti zimbongo ziwombo, kuntuadisanga mayangi. Mawu madi makiedika? Tala VIDEO, bosi tubilanu biuvu binlanda.
Kheti dibakala tube mona mu video wabe zolanga kuta bola, kibila mbi kabikila kisalu beni?
Nandi wubaka makani ma kukivana kuidi Yave, bakana ko ma kuta bola. Mu ngie makani mamboti kabaka? Kibila mbi?
Ava kuba nlandikini wu Yesu, mvuala Polo wuba mutu wulonguka beni ayi khanu wuba zimbongo ziwombo kibila nandi wuba nlonguki wu minlongisi miluta nzayilu mu thangu beni. Vayi nandi wubika biuma bioso mu kibila ki Klisto. Bukiedika ti mvuala Polo wunyonga mu makani kabaka? Tanga Filipi 3:8, bosi tubilanu biuvu binlanda
Kibila mbi mvuala Polo katubila ti biuma bioso kaba bisa ba ko luvalu voti biba buka tsodo?
Mfutu mbi katambula?
Mu mbuenu’aku bukiedika ti luzingu luaku lunkuiza luta ba lumboti ngie kusola kusadila Yave? Sudikisa??
Bo Polo kayiza ba nlandikini wu Yesu, luzingu luandi luluta ba lumboti kena biuma bioso kabika kumbusa
BATU BANKAKA BANTUBANGA: “Vasi ko tsundu kusadila Yave mu luzingu luaku loso. Kunatina luzingu mu phila wuntombila buawu bulutidi.”
Mu mbuenu’aku madi makani mamboti kukivana kuidi Yave?
MBI NGIE BELONGUKA
Luzolo, luawu lu tunatanga kukivana kuidi Yave.
Vutukila Mambu Mamfunu
Kibila mbi tufueti buongimina Yave mu ntim’itu woso?
Lusakumunu mbi Nzambi kamvananga kuidi bisadi biandi bioso babotama?
Ngie wuntomba kukivana kuidi Yave?
TALA MAMBU MANKAKA
Mona kibila mbi nkieto wumueka waba vanganga kisalu ki kukuimbila ayi dibakala dimueka waba tanga bola babakila makani ma kusadila Yave.
Matoko Bankuvula—Mbi Yala Vanga mu Luzingu Luama?—Yindula Kumbusa (6:54)
Mona mambu mankaka malenda kusadisa kubaka makani ma kukivana.
“Por que se dedicar a Jeová?” (A Sentinela, 15 de Janeiro de 2010)
Mu video yi minkunga, mona mayangi mankuizilanga befu kubaka makani ma kukivana kuidi Yave.
Mu kinongo “Mu Mimvu Miwombo Yaba Kuyikuvusanga ‘Kibila Mbi Tuididi Avava?’” Mona mbi bisadisa nkieto wumueka kuzaba mambu malutidi nkinza mu luzingu luandi.
“A Bíblia muda a vida das pessoas” (A Sentinela, 1 de Novembro de 2012)