Kifuani

Monisa kiadi kuidi baboso

Khomba mueka yinkietu ku Nova Zelândia, wumona video “Cuidem Uns dos Outros,” yaba tubila ti Yave katubanga ko to ti widi mu kiadi vayi wummonisanga kiadi. (Yesa. 63:​7-9) Nandi wubaka makani mu kusadila mambu kalonguka mu kusadisa bankaka. Mu kilumbu akiokio kamona video beni, bo kaba ku loja wumona nkietu wumueka wunzingilanga mu nzila ayi wunsumbila bidia. Nkietu beni wuvitika. Ayi khomba wusadila luaku alolo muingi kumvana kimbangi, mu kusadila mua nkanda wuntuba Bukiedika ti zimpasi zyala mana?

Nkietu beni wudila ayi wusudikisa khomba ti matata mandi baba Zimbagi zi Yave ayi banlongisa kiedika. Vayi nandi kasa konzuka ko mu kiphevi. Mu mua thangu kumbusa nandi wusambila muingi Yave kansadisa kuvutuka kuidi nandi. Khomba wumvana Kibibila ayi nkietu beni wuvitika ndongukulu yi Kibibila.a

Tulenda landakana kifuani ki Yave, mu kumonisa kiadi kuidi batu, kubanda mvandi basi dikanda ditu ayi zikhomba zitu zi kiphevi. Mvandi tulenda monisa kiadi, mu kusadila loso luaku tuidi muingi kuvana kimbangi kuidi bankaka.