Tudila batu bankaka thalu

Diambu mbi Yesu kavanga

VIDEO: Yesu ayi nketo va dibulu di nlangu

1. Tala VIDEO, voti tanga Yowani 4:6-9. Ayi tadileno biuvu biabi bilandikini:

1. Diambu mbi Yesu katadila kuidi nketo beni tuamina katona disolo?

2. Yesu wutuba: ‘Wuphani nlangu wunua.’ Bila mbi yibela phila yifuana yitonina disolo?

Dilongi mbi tubeki kuidi Yesu?

2. Thonono’eto yi disolo mayi ba yimboti enati tulembo kambi batu mambu mo ma kubayangidika.

Sokudila Yesu

3. Zabanga balula disolo. Kadi nama kaka thonono mosi yi disolo yo kubikidingi. Tonina mu diambu dimosi dio batu bankaka balembo tubila mu bilumbu biabi. Wukiyuvula:

1. ‘Zitsangu mbi zilembo vioki bilumbu biabi?’

2. ‘Mambu mbi bo beta kala ko ndieta vuanda, bo beta sala yama, voti bana ba nzo nkand’eto balembo tubilanga?’

4. Ba mutu nio zebi tala. Wukiyuvula:

1. ‘Mbi mutu beni kalembo sadi? Mambu mbi kalenda yindula?’

2. ‘Bue kavuatidi, bue kalembo monikina, voti nzo’andi yilembo monisa mambu mo keta wilukila ayi kikhulu kiandi?’

3. ‘Yidi thangu yimboti yo ndilenda soludila ayi mutu?’

5. Ba mutu nio weta wa.

1. Kadi tubanga buwombo.

2. Kindisa mutu nio wunsamunina kavana mayindu mandi veka. Enati bufueni kuandi, wulenda kunyuvula biuvu.