DILONGI 4

Monisa mfunu wo weka ntangila verse

Matayi 22:41-45

MU BUKHUFI: Bongisa mayindu ma batu bo beku wa tuamina wutanga verse.

Bakula bila kio weka ntangila verse. Tuamina wutanga verse, tuba ziphova zio zifueti sadisa batu bamona mayindu mangudi mo weka ntanga mu verse beni.

Tadila bumboti mboti mabanza mo madi mu khati. Enati mawutubila mutu nio wusonika masonoko beni, muna mutu beni kaba bukiedika niandi, vayi bika wunkaka.
Monisa ti Bibila kilutidi minkanda mioso. Mu thangu wulembo tubi kuidi batu bo beta wilukila Nzambi, wubamonisa ti Bibila yidi buku yi Nzambi muingi bazaba ti kuisi ko nduenga yilutidi yo yidi mu Bibila.
Vana batu phuila yi wa ziphova zio zidi mu verse. Yuvula kiuvu kio verse beni yeka mvanina mvutu, tubila diambu dimosi dio verse beni yeka mvanina solisio, voti tubila tsikudukusu mosi yo verse beni yikuiza sadisila batu bayisudika.

Tadila phe mambu momo batu bo baku wa bazebi mu verse beni yo weka ntanga ayi mu mambu mo weka nlonga. Buba ti verse beni yizabikini, tubila ziphova zio zifueti sadisa batu baluta yisudika bumboti mboti muingi babue yimona banga yimona.