U káajbal baʼaloʼob tak Búulkabal

¿Bix úuchik u yantal le kaʼanoʼob yéetel le Luʼumoʼ? ¿Bix úuchik u yantal Kʼiin, Luna, eekʼoʼob yéetel uláakʼ baʼaloʼob yaan way Luʼumeʼ? Le Bibliaoʼ kiaʼalikeʼ Dios beetmail tuláakal baʼal. Le oʼolaleʼ, le yáax tsikbaliloʼob yaan t-libroaʼ kiaʼalik bix káajik baʼaloʼob.

Yaan k-kanikeʼ, le baʼax tu yáax beetaj Diosoʼ ángeloʼob. Le Luʼumoʼ tu beetaj utiaʼal u kajtal máakoʼob. Le oʼolaleʼ, Dioseʼ tu beetaj xiib bey xan koʼolel, u kʼaabaʼobeʼ Adán yéetel Eva, ka tu tsʼáajoʼob teʼ jatsʼuts kúuchiloʼ. Baʼaleʼ, letiʼobeʼ maʼ tu beetoʼob baʼax u kʼáat Diosiʼ, le oʼolal kíimoʼob.

Beetaʼabik Adán tak le nojoch Búulkabaloʼ máan mil seiscientos cincuentai seis jaʼaboʼob. Teʼ kʼiinoʼob jeʼeloʼ kuxlaj yaʼab kʼasaʼan máakoʼob. Teʼ kaʼanoʼ tiaʼan kaʼach Satanás yéetel u kʼasaʼan ángeloʼobiʼ. Teʼ Luʼumaʼ, yanji Caín yéetel uláakʼ kʼasaʼan máakoʼob, ichiloʼobeʼ tiaʼan le máakoʼob jach táaj yanji u muukʼoʼobeʼ. Baʼaleʼ, yanji xan utsul máakoʼob teʼ Luʼumaʼ u kʼaabaʼobeʼ: Abel, Enoc yéetel Noé. Tiʼe YÁAX Jaatsaʼ yaan k-kanik tiʼe máakoʼob tsʼoʼok k-aʼalkaʼ, yéetel tiʼ baʼaxoʼob úuchlaʼaji.