BIBLIOTECA NI NUU LU INTERNET Watchtower
Watchtower
BIBLIOTECA NI NUU LU INTERNET
diidxazá
  • BIBLIA
  • PUBLICACIÓN
  • REUNIÓN
  • lff lección 17
  • ¿Tu clase binni naca Jesús?

Gastiʼ nin ti videu de ca ni guliluʼ riʼ.

Bitiidilaʼdxiʼ, guyuu ti error ora cayaca cargar videu riʼ.

  • ¿Tu clase binni naca Jesús?
  • ¡Zanda guibániluʼ nayecheʼ! Ti libru ni zacané lii guiéneluʼ ni ná Biblia
  • Subtítulo
  • Laaca zanda gúʼndaluʼ
  • GUIZÍʼDIRUNU JMA
  • XI BIZÍʼDINU
  • BIIYAʼ XIRUʼ ZANDA GUIZIIDILUʼ
  • ¿Tuu nga Jesús?
    ¡Zanda guibániluʼ nayecheʼ! Ti libru ni zacané lii guiéneluʼ ni ná Biblia
  • Racalaʼdxiʼ xiiñiʼ Dios gunibiaʼnu Bixhoze
    Torre stiʼ ni rapa ni caníʼ de Reinu stiʼ Jiobá 2012
  • ¿Tuu nga Jesucristu?
    ¿Xi rusiidiʼ Biblia laanu?
  • ¿Xi guiráʼ biʼniʼ Jesús dxi guyuu lu Guidxilayú riʼ?
    ¡Zanda guibániluʼ nayecheʼ! Ti libru ni zacané lii guiéneluʼ ni ná Biblia
Biiyaʼ jma
¡Zanda guibániluʼ nayecheʼ! Ti libru ni zacané lii guiéneluʼ ni ná Biblia
lff lección 17
Lección 17. Nusigaanáʼ Jesús ne cusianda ti binni huará.

LECCIÓN 17

¿Tu clase binni naca Jesús?

Casi zeeda ni lu libru
Casi zeeda ni lu libru
Casi zeeda ni lu libru

Ra maʼ ziziidiluʼ xi guiráʼ biʼniʼ Jesús ne guiráʼ ni guníʼ dxi guyuu lu Guidxilayú riʼ, zuuyaluʼ nápabe stale cualidad galán ni racané laanu guidxíñanu Bixhózebe, Jehová. ¿Gunáʼ nga ca cualidad ni jma bisihuinni Jesús? ¿Ne xi zanda gúninu para gácanu casi laabe yaʼ?

1. ¿Xiñee zanda guininu yendee Jesús Bixhoze?

Maʼ stale millón de iza nga de nuu Jesús gaxha de Bixhoze ne ruuyaʼ xi guiráʼ cosa galán rúnibe ne pabiáʼ nadxiibe binni. Nga runi, zanda guininu tobi si modo riníʼ íquecabe ne laaca runi Jesús guiráʼ ni runi Bixhoze (biindaʼ Juan 5:​19). Ne dxandíʼ peʼ zanda guininu rusihuinni Jesús ximodo naca Bixhoze purtiʼ laapebe guniʼbe: «Ni maʼ biiyaʼ naa la? laaca maʼ biiyaʼ Bixhozeʼ» (Juan 14:9). Nga runi, pa gunibiaʼluʼ ximodo naca Jesús la? laaca zunibiaʼluʼ Jehová. Guzéʼtenu ti ejemplu, modo bisihuinni Jesús riá binni, laaca rusihuinni ni pabiáʼ rizaalaʼdxiʼ Jehová lii.

2. ¿Ximodo bisihuinni Jesús nadxii Bixhoze?

Jesús peʼ guníʼ: «Para ganna binni nadxieeʼ Bixhozeʼ, cayuneʼ casi peʼ modo biʼniʼ mandar Bixhozeʼ naa» (Juan 14:​31). Dxi guyuu Jesús lu Guidxilayú riʼ, bisihuinni pabiáʼ nadxii Bixhoze ra bizuubaʼ stiidxabe neca nuu tiru bidxagalú guendanagana. Laaca nabé guyuulaʼdxiʼ Jesús guiníʼ de Bixhoze ne gacané xcaadxi binni gaca xhamígucaʼ Jehová (Juan 14:​23).

3. ¿Ximodo bisihuinni Jesús nadxii binni?

Biblia ná guizáʼ nadxii Jesús binni (Proverbios 8:​31). Ne bisihuínnibe dxandíʼ nadxiibe binni ra gudixhedxibe ladxidoʼcaʼ ne gucanebe laacaʼ sin nibézabe niguíxecaʼ laabe. Ne bíʼnibe milagru ni bisihuinni poder ni nápabe peru laaca bisihuínnibe pabiáʼ riabe binni (Marcos 1:​40-​42). Guizáʼ nachaʼhuiʼ guca Jesús né binni ne qué ñúnibe menu guirutiʼ. Laaca gudixhedxibe ladxidóʼ ca binni ni nachaʼhuiʼ ni bicaadiaga laabe, ne dede guyuube dispuestu gacanabe ne gátibe pur binni guidxilayú. Ne jmaruʼ si pur ca xhamígube ni runi ni nabe (biindaʼ Juan 15:​13, 14).

GUIZÍʼDIRUNU JMA

Guidúʼyanu ximodo naca Jesús ne ximodo zanda gannaxhiinu ne gácanu nachaʼhuiʼ casi laabe.

4. Guizáʼ nadxii Jesús Bixhoze

Bisiidiʼ Jesús né ejemplu stiʼ ximodo zanda gusihuínninu nadxiinu Dios. Laguundaʼ Lucas 6:​12; Juan 15:​10 ne 17:​26. Despué de gúʼndatu ca textu riʼ, laiquiiñeʼ pregunta riʼ para güitu diidxaʼ:

  • ¿Ximodo zanda gusihuínninu nadxiinu Jehová casi biʼniʼ Jesús?

Cayuni orar Jesús.

Nadxii Jesús Bixhoze ni nuu guibáʼ ne qué nusaana de ñuni orar laabe.

5. Bizaalaʼdxiʼ Jesús ca binni ni caquiiñeʼ tu gacané laa

Jma bizaalaʼdxiʼ Jesús binni que laca laa. Neca maʼ bidxágabe, siempre guleebe tiempu para gacanebe binni. Laguundaʼ Marcos 6:​30-​44 ne laiquiiñeʼ ca pregunta riʼ para güitu diidxaʼ:

  • Casi ná relatu ni bidúʼndanu riʼ, ¿ximodo bisihuinni Jesús dxandíʼ rizaalaʼdxiʼ binni? (Laguuyaʼ versículo 31, 34, 41 ne 42).

  • ¿Xiñee gucané Jesús ca binni ruzeeteʼ relatu riʼ? (Laguuyaʼ versículo 34).

  • Ra maʼ nánnaluʼ rusihuinni Jesús ca cualidad napa Bixhoze, ¿xi rusiidiʼ ndiʼ lii de Jehová?

  • ¿Ximodo zanda guizaaláʼdxinu binni casi biʼniʼ Jesús?

Cudii Jesús ni gó mil de hombre, gunaa ne xcuidi, despué de biʼniʼ ti milagru para gutale gaayuʼ pan ne chupa bendahuiiniʼ. Caguiiziʼ ca discípulo ni lú guiráʼ binni nuu raqué.

6. Bidii Jesús de ni napa

Neca qué gapa Jesús stale cosa, bidii de ni napa ne laanu laaca zanda gúninu zacá. Laguundaʼ Hechos 20:​35 ne laiquiiñeʼ pregunta riʼ para güitu diidxaʼ:

  • ¿Xi zacané laanu chuʼnu nayecheʼ casi guníʼ Jesús?

Laguuyaʼ VIDEU riʼ ne laiquiiñeʼ pregunta riʼ para güitu diidxaʼ:

VIDEU: «Jma nayecheʼ riuu binni ora rudii que ora ricaa» (fragmentu) (4:​00)

  • ¿Ximodo zanda gudiʼnu de ni nápanu neca qué gápanu stale cosa?

¿Ñee nannuʼ ndiʼ la?

Biblia rusiidiʼ laanu ora guni orarnu Jehová, naquiiñeʼ gúninu ni de lu lá Jesús (laguundaʼ Juan 16:​23, 24). Zacá zusihuínninu risaca ni biʼniʼ Jesús para gacané laanu gaca xhamígunu Jehová.

NUU TU NÁ: «Qué rizaalaʼdxiʼ Dios pa cayacaná binni».

  • Pur modo naca Jesús, ¿ximodo bisihuínnibe rizaalaʼdxiʼ Jehová laanu?

XI BIZÍʼDINU

Nadxii Jesús Bixhoze ne laaca nadxiibe binni. Cumu yendee Jesús Bixhoze la? ra gunibiaʼnu laabe, laaca zunibiaʼnu Jehová.

Xi biziidiluʼ

  • ¿Ximodo zanda gusihuínninu nadxiinu Jehová casi biʼniʼ Jesús?

  • ¿Ximodo zanda gusihuínninu nadxiinu binni casi biʼniʼ Jesús?

  • ¿Xi jma riuuláʼdxiluʼ de modo naca Jesús?

Biʼniʼ stipa gúniluʼ ndiʼ

BIIYAʼ XIRUʼ ZANDA GUIZIIDILUʼ

Biiyaʼ caadxi cualidad ni napa Jesús ni zanda chinándanu.

«Chinándanu ejemplu stiʼ Jesús» (Jesús: neza, ni dxandíʼ ne guendanabani, yaza 317)

Biiyaʼ xiñee nabé risaca guni orarnu de lu lá Jesús.

«Xiñee risaca iquiiñenu lá Jesús para guni orarnu Dios» (Torre stiʼ ni rapa, 1 de abril de 2008)

¿Ñee ruzeeteʼ Biblia ximodo peʼ guca Jesús la?

«¿Ximodo peʼ guca Jesús?» (Tema ni zeeda lu jw.org)

¿Xi zanda guizíʼdinu de modo biʼniʼ tratar Jesús ca gunaa?

«Runi respetar ne rusisaca Dios ca gunaa» (Tema ni zeeda lu Torre stiʼ ni rapa)

    Libru ne revista zapoteco del Istmo (1993-2025)
    Biteeguʼ sesión
    Bizulú sesión
    • diidxazá
    • Compartir
    • Configuración
    • Copyright © 2025 Watch Tower Bible and Tract Society of Pennsylvania
    • Modo iquiiñeʼ ni
    • Política de privacidad
    • Configuración de privacidad
    • JW.ORG
    • Bizulú sesión
    Compartir