Zacané ca tema riʼ laanu para cadi gusiáʼndanu chii cosa ni zuniibi dxacha guidxilayú. Ca primé gaayuʼ de laacani caníʼ ximodo guinitilú guidxilayú stiʼ Binidxabaʼ, peru xcaayu de laani caníʼ ximodo chigueeda ti guidxilayú cubi.

GUIONNA TEMA ZEEDANI LU YAZA 18-22

Guiranu racaláʼdxinu maʼ ninitilú guidxilayú stiʼ Binidxabaʼ ne maʼ ñeeda guidxilayú cubi ni cabézanu. Pa deruʼ bizulú cayuni adorarnu Dios o maʼ zinenu stale iza, xiñee galán gánnanu cuézanu. Tema riʼ zacané laanu guidúʼyanu xi naquiiñeʼ gúninu para cadi guireʼnu gana pur cabézanu.

GUIDAPA TEMA ZEEDANI LU YAZA 23-27

Guiráʼ binni ni nuu ndaaniʼ xquidxi Dios maʼ cabeza si guʼyaʼ guinitilú guidxilayú stiʼ Binidxabaʼ. Lu tema riʼ zadúʼyanu xi guiráʼ ribeendunu pur qué gánnanu padxí ne pora guinitilú guidxilayú.

ÚLTIMU TEMA ZEEDANI LU YAZA 28-32

Ca guendaridagulisaa roʼ nga tobi de ca modo raca adorar Dios dede maʼ raca stale siglu. Lu tema riʼ zuzéʼtenu ximodo guca caadxi de laacani ni ruzeeteʼ Biblia ne xcaadxi ni huayaca ca dxi stinu, ne zadúʼyanu xi ribeendunu ora chuunu ca guendaridagulisaa riʼ.

XCAADXI TEMA

13 Ca scuela ra rusiidiʼ dios laanu: tobi de ca modo rusihuinni Jiobá nadxii laanu

PRIMÉ YAZA: Ca xpinni Cristu de Filipinas rúnicaʼ stipa pur gucheechecaʼ diidxaʼ ra nuu guiráʼ binni. Raríʼ caniʼnécabe ti hombre dxiʼbaʼ ndaaniʼ motocicleta stiʼ ni napa ti carru huiiniʼ cueʼ, nuu lugar riʼ ladu guiaʼ de guidxi Luzón

FILIPINAS

NI RUCHEECHEʼ DIIDXAʼ

177,635

PRECURSOR REGULAR

29,699

CANI GUYUUNISA IZA 2011

8,586

CA DIIDXAʼ NI CUTIIXHICABE