REVISTA NI CHIGUIUUNDAʼ

CA TEMA NI CHIGUIUUNDAʼ

▪ Gastiʼ qué zanda gusaba ca binni ni nadxii Jiobá

Laanu, ca xpinni Cristu, nuunu lu ti carrera ra zacaanu guendanabani ni qué zaluxe casi premiu. Peru guiranu rirenda ñeenu purtiʼ gulenenu donda bisaanané Adán laanu. Tema riʼ zacané laanu para gudiʼnu cuenta gunáʼ nga gaayuʼ de ca cosa ni zándaca gueeda guirenda ñeenu ne laaca zusiene tema riʼ xi naquiiñeʼ gúninu para cadi gucueeza cani laanu de guni ganarnu carrera stinu.

▪ Ñee rapa ladxidoʼloʼ gana gunibiáʼ Jiobá la?

Libru stiʼ Jeremías nabé ruzeeteʼ de ladxidoʼno. Tema riʼ zusiene laanu ximodo nga reeda gapa binni ti ladxidóʼ ni caʼruʼ gaca circuncidar ne xiñee malu chuʼ ladxidóʼ ti xpinni Cristu zacá. Laaca zadúʼyanu xi naquiiñeʼ gúninu para chuulaʼdxiʼ ladxidoʼno gunibiáʼ Jiobá (Jer. 9:26; 24:7).

▪ Xi naquiiñeʼ gúniluʼ yanna ra maʼ runibiaʼluʼ Dios

Xi naquiiñeʼ gúninu para gunibiaʼnu Dios ne para ganda gunibiaʼbe laanu yaʼ. Ximódoruʼ zanda guiniisi ti xpinni Cristu lu stiidxaʼ Dios ne xiñee naquiiñeʼ gúnibe ni. Lu tema riʼ zadxélanu xi guicábinu.

▪ Ra nuu Jiobá nga zanda guilanu

Neca nabáninu ndaaniʼ ti guidxilayú ra nuu stale binni ni nanalaʼdxiʼ laanu, cadi naquiiñeʼ guidxíbinu. Lu tema riʼ zazíʼdinu xiñee ra nuu si Jiobá, Dios stinu nga zanda guilanu.

▪ Gusisácanu lá Jiobá purtiʼ nabé nandxóʼ ni

Xi ribeendunu purtiʼ nuunu ndaaniʼ ti guidxi ni ziné lá Dios. Ximodo nga rizanu lu lá Jiobá. Ne xi riníʼ ique Dios de ca binni ni qué rusisaca labe, o xlabe. Zadxélanu xi guicábinu lu tema riʼ.