REVISTA NI CHIGUIUUNDAʼ

Para gácanu ti binni ni rudii xquíxepeʼ, naquiiñeʼ guiníʼ ique chaahuinu lu ca cosa ni maʼ biʼniʼ Jiobá pur laanu. Ora rudiʼnu xquíxepeʼ zacané ni laanu gudxiilunu ca guendanagana rápanu ne zanda gudxiilunu ca cosa ni nuu lu guidxilayú stiʼ Binidxabaʼ. Nga nga ni rusietenalaʼdxiʼ textu stiʼ iza 2015 laanu.

Tema riʼ cusiene laanu xiñee rietenaláʼdxinu guendaguti stiʼ Jesús. Cusiéneni xi riníʼ pan ne vinu ne ximodo nanna tuuxa pa zanda gó pan ca ne gueʼ vinu ca. Ne laaca zusiidiʼ ni laanu ximodo naquiiñeʼ chuʼnu listu para gúninu Guendaroxhi stiʼ Señor.

Zeʼ dxi jma rapa ca guendaxheelaʼ ca guendanagana ne ridxaagalucaʼ xiixa ni uquiinde laacaʼ gucheecaʼ. Peru Jiobá zanda gacané laacabe para gudxiilúcabe cani ne guibánicabe nayecheʼ. Lu primé tema ca zeeda gaayuʼ puntu ni zacané laacabe gápacabe ti guendaxheelaʼ naguidxi ne nayecheʼ ne xi zanda gacané laacabe para chúʼcabe tobi si. Guiropa tema ca zacané laacabe gánnacabe ximodo zanda chúʼcabe naguidxi nezalú Dios.

Ximodo zanda gannaxhii binni biaʼ dxi guibani yaʼ. Ximodo rihuinni ni. Ñee zanda guindaani biaʼ dxi guibani binni la? Guidúʼyanu xi rusiidiʼ El Cantar de los Cantares laanu de ora dxandíʼ nadxii ti hombre ne ti gunaa.