Zalá stale binni. Lii yaʼ

Nabé zadxibi binni ora gueeda fin, na Biblia. Guidúʼyanu xi nani: «Nabé naná zaca ni ca dxi que. Qué huayuu dxi gaca ni naná biaʼ qué, dede dxi bizáʼ Dios guidxilayú [...]. Pa qué ucueeza dxí Dios lú ni la? irá xixé binni zati» (Mateo 24:21, 22). Peru laaca cuzeeteni nuu tu zalá: «Canitilú guidxilayú [...], peru qué ziuu dxi initilú ni guni ni na Dios» (1 Juan 2:17).

Xi caquiiñeʼ gúninu para guilanu yaʼ. Ñee naquiiñeʼ cuʼ chaahuinu xiixa ni guibaninenu o ni zaquiiñenu la? Coʼ. Ndiʼ nga conseju cudii Biblia laanu: «Yáquexa ma nanna tu ximodo chi initilú irá ni la? lauyubi udii tu idubi xpida tu Dios para guni tu ni na, laga cabeza tu dxi stiʼ» (2 Pedro 3:10-12). Yanna, xii nga «chiinitilú» yaʼ. Ca gobiernu ni qué runi jneza nuu yanna ne guiráʼ cani zinanda laacabe ne cani cucaalú gobiernu stiʼ Dios. Rihuinni dxíchica qué zanda diʼ guilanu ora gueeda fin, neca cuʼ chaahuinu stale cosa risaca.

Ni naquiiñeʼ gúninu para ganda guilanu nga guizíʼdinu guibáninu modo racalaʼdxiʼ Dios ne cadi guixélenu de laa (Sofonías 2:3). Lugar de chinándanu casi zeʼ ca binni ni qué rulabi ca seña ni cusihuinni maʼ nabáninu lu ca últimu dxi, naquiiñeʼ guietenaláʼdxinu maʼ gaxha nuu dxi stiʼ Jiobá. Zanda gusiidiʼ ca testigu stiʼ Jiobá lii né Biblia xi naquiiñeʼ guʼnuʼ para guilaluʼ.