Cani chitiidiʼ lu guendaridagulisaa stiʼ dxiiñaʼ stinu

Semana 9 stiʼ febrero

Diidxaʼ riuundaʼ 225

10 min. Cani chiguieeteʼ stiʼ binni ridagulisaa. Bitiidiʼ chupa modo zanda gusaanacabe rebista casi cá lu yaza 12 stiʼ guiʼchiʼ riʼ: tobi ca ne La Atalaya 15 stiʼ febrero ne stobi ca ne ¡Despertad! 22 stiʼ febrero. Lu guirópani zudiicabe guiropaʼ rebista ca, peru de tobi si nga jma guiníʼcabe. Lu tobi de cani chitiidiʼ ca guluíʼcabe ximodo zanda icábitu ora gábicabe laatu: «Naa maʼ napa relijión stinneʼ» (laguuyaʼ libru Razonamiento, yaza 18, 19).

10 min. «Cueendunu stale ra gúʼndanu libru Acerquémonos a Jehová.» Libana ni gutiidiʼ ti binnigola ni rusiidiʼ ra riuundaʼ libru ni zeeda lu guiʼchiʼ riʼ. Ra guidxíñaluʼ párrafo 2 ca la? bizeeteʼ modo chiguiuundaʼ libru ca. Ra guidxíñaluʼ párrafo 3 ca la? biindaʼ ne icábicabe ni cá lu párrafo 23 ni zeeda lu yaza 25 stiʼ libru ca.

25 min. «Cadi gusaananu de guininu de guiráʼ ca guendaridxagayaa ni bizáʼ Jiobá.»a (Ca párr. 1-10.) Gutiidiʼ binnigola ni ruuyaʼ modo rireeche diidxaʼ ni. Biquiiñeʼ ca guendarinabadiidxaʼ ni maca neni. Guluu gana cani cucaadiaga pur guireecabe jma chigucheechecabe diidxaʼ ca dxi Guietenaláʼdxinu Guendaguti stiʼ Jesús.

Diidxaʼ riuundaʼ 90 ne orasión guiluxeneni.

Semana 16 stiʼ febrero

Diidxaʼ riuundaʼ 41

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu.

15 min. «Ti dxiiñaʼ ni cayacané Dios gaca.»b Bizeeteʼ caadxi de ni cá lu libru proclamadores, yaza 547 ne 548.

20 min. «Cadi gusaananu de guininu de guiráʼ ca guendaridxagayaa ni bizáʼ Jiobá»* (Ca párr. 11-17.) Biquiiñeʼ ca guendarinabadiidxaʼ ni maca neni. Zanda gutiidiluʼ tobi de cani rucheeche diidxaʼ para guluiʼbe ximodo guni inbitarbe ti binni ni deruʼ caziidiʼ ti cheʼ ra Guietenaláʼdxinu Guendaguti stiʼ Jesús.

Diidxaʼ riuundaʼ 75 ne orasión guiluxeneni.

Semana 23 stiʼ febrero

Diidxaʼ riuundaʼ 118

10 min. Cani chiguieeteʼ stiʼ binni ridagulisaa ne pagala nuu. Bitiidiʼ chupa modo zanda gusaanacabe rebista casi cá lu yaza 12 stiʼ guiʼchiʼ riʼ: tobi ca ne La Atalaya 1 stiʼ marso ne stobi ca ne ¡Despertad! 8 stiʼ marso. Lu guirópani zudiicabe guiropaʼ rebista ca, peru de tobi si nga jma guiníʼcabe. Ra guiluxe tobi de cani chitiidiʼ ca la? guinabadiidxabe binni ca xiixa ni ucaa laa guiníʼ ique ne ni zanda icábibe ne guiʼchiʼ Exige ora ibiguétabeʼ sti biaje.

15 min. «Chuunu guiráʼ ca guendaridagulisaa ca la? risaca cani stale.»* Dede ante guyúbiluʼ tobi o chupa de cani rucheeche diidxaʼ para guiniʼcaʼ xi huayúnicaʼ para cadiʼ guiaadxacaʼ nin ti guendaridagulisaa.

20 min. Uguunu guendanaróʼ stiʼ Jiobá «lade ca binni ridagulisaa». Guinabadiidxuʼ ne guicábicabe, zeedani lu La Atalaya 1 stiʼ septiembre 2003, ca yaza 19-22. 1) Ximodo rusihuinni Salmo 22:22, 25 ti rasón para icábinu ra ridagulisaanu yaʼ. 2) Xiñee nga naquiiñeʼ gúninu orasión. 3) Xiñee ndiʼ naquiiñeʼ gúʼndanu dede ante. 4) Xi riquiiñeʼ quixhe íquenu gúninu guiranu ora guidagulisaanu yaʼ. 5) Xiñee nga guizáʼ sicarú cuinu lu ca primé fila ora guidagulisaanu. 6) Xiñee ndiʼ naquiiñeʼ gucaadiáganu ni caníʼ stuudxi ni tiidiʼ luni yaʼ. 7) Ximodo guicábinu casi ora caniʼnu diidxaʼ sin gúʼndanu lu guiʼchiʼ. 8) Ximodo nga zanda uguunu gana stuudxi pur cani icábinu yaʼ. 9) Xi dxiiñaʼ napa ni gutiidiʼ ti libana yaʼ.

Diidxaʼ riuundaʼ 81 ne orasión guiluxeneni.

Semana 1 stiʼ marso

Diidxaʼ riuundaʼ 156

8 min. Cani chiguieeteʼ stiʼ binni ridagulisaa. Bisietenalaʼdxiʼ cani rucheeche diidxaʼ gudiicaʼ pabiáʼ dxiiñaʼ bíʼnicaʼ lu beeu febrero. Bizeeteʼ cani zanda gusaananetu binni beeu marso ne sin guindaaluʼ stale guníʼ ti modo zanda guiníʼcabe ora chigucheechecabe diidxaʼ casi cá lu guiʼchiʼ rizaané (suplemento) Nuestro Ministerio del Reino enero stiʼ 2002.

20 min. «Caniisi dxiiñaʼ ndaaniʼ Betel stiʼ Méjicu». Guinabadiidxuʼ ne guicabi cani cucaadiaga.

17 min. «Zanda gúninu ni cabeza Jiobá de laanu.»* Biquiiñeʼ ca guendarinabadiidxaʼ ni maca neni. Guníʼ jma de ca textu cá luni biaʼ gudii tiempu.

Diidxaʼ riuundaʼ 98 ne orasión guiluxeneni.

[Ni cá ñee yaza]