Cani chitiidiʼ lu guendaridagulisaa stiʼ dxiiñaʼ stinu

Semana 13 stiʼ septiembre

Diidxaʼ riuundaʼ 43

12 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Bitiidiʼ chupa modo zanda usaanacabe rebista, tobi ca ne La Atalaya 15 stiʼ septiembre ne stobi ca ne ¡Despertad! 22 stiʼ septiembre, casi cá lu yaza 4 stiʼ guiʼchiʼ riʼ (pa zanda iquiiñeʼ cani ladu ra rucheechetu diidxaʼ). Zanda iquiiñeluʼ xcaadxi modo para usaananetu cani binni. Iluxe si cada tobi la? bizeeteʼ ra bíʼnicabe ni jneza.

15 min. «Cadi usaananu de gúʼyadxinu ni jneza»a Biquiiñeʼ ca endarinabadiidxaʼ ni maca neni. Pa udii tiempu la? bizeeteʼ jma de ca textu ni cá luni.

18 min. Cayuuyaʼ binni pabiáʼ jneza canazanu (1 Ped. 2:12). Zanda inabadiidxuʼ lu libana riʼ, zeeda ni lu La Atalaya 1 stiʼ nobiembre 2002 yaza 12 dede 14, párrafo 14 dede 20. Gudxi cani cucaadiaga iniʼcaʼ ximodo huachaa modo riníʼ ique ca xpesínucaʼ de laanu, ora ruuyacabe pabiáʼ jneza canazanu.

Diidxaʼ riuundaʼ 162 ne orasión iluxeneni.

Semana 20 stiʼ septiembre

Diidxaʼ riuundaʼ 88

10 min. Cani chiguieeteʼ stiʼ binni ridagulisaa. Bizeeteʼ jma cani naquiiñeʼ gánnacabe ni zeeda lu carta stiʼ Betel ni cá lu primé yaza stiʼ Xhiiñaʼ Reinu ni Rúninu riʼ. Gudxi cani cucaadiaga chuʼcaʼ listu para Guendaridagulisaa stiʼ Dxiiñaʼ Stinu ni chigaca lu semana 4 stiʼ octubre ne gúʼndacabe Números 16:1-35, de racá gúʼyacabe bideu Respetemos la autoridad de Jehová (Guni respetarnu modo runi mandar Jiobá).

15 min. Ximodo bíninu dxiiñaʼ iza udiʼdiʼ ca. Libana ni udii ti binnigola, iquiiñebe ca guiʼchiʼ ra cá pabiáʼ dxiiñaʼ biʼniʼ ca binni ridagulisaa lu iza stiʼ dxiiñaʼ 2004. Bizeeteʼ jma de cani galán ni bíʼnicabe ne guníʼ de que sicarú nga cani uleendúcabe. Uníʼ pabiáʼ nga nadipaʼ dxiiñaʼ biʼniʼ ca precursor. Bizeeteʼ tobi o chupa ra naquiiñeʼ gúnicabe dxiiñaʼ sti iza ca.

20 min. Cadi usaanaʼ de gúninu ni jneza (Gál. 6:10). Bitiidiʼ chupa o chonna precursor regular o ni raca precursor ausiliar gatigá. Unabadiidxaʼ laacabe, xi endanagana huayápacabe pur cayúnicabe xhiiñaʼ Jiobá ne ximodo huadxagalúcabe cani. Xi huayacané laacabe para acanérucabe xcaadxi binni. Ra qué huasaanacabe de ucheechecabe stiidxaʼ Reinu, ximodo huayacaneni laacabe ne xcaadxi binni. Pa nuu binni ni riníʼ sti diidxaʼ neza ra nuutu la? bizeeteʼ xi naguíxhetu aca para chetu ra nuucabe. Gudxi cani cucaadiaga de que sicarú nga dxiiñaʼ ni cayúnicabe purtiʼ cadi cusaana de gúnicabe ni ne endarannaxhii ne cayuni huantárcabe (1 Tes. 1:2, 3).

Diidxaʼ riuundaʼ 103 ne orasión iluxeneni.

Semana 27 stiʼ septiembre

Diidxaʼ riuundaʼ 221

15 min. Cani chiguieeteʼ stiʼ binni ridagulisaa ne pagala nuu. Bisietenalaʼdxiʼ cani rucheeche diidxaʼ udiicaʼ pabiáʼ dxiiñaʼ bíʼnicaʼ lu beeu septiembre. Biluíʼ ximodo zanda usaanacabe rebista La Atalaya 1 stiʼ octubre ne ¡Despertad! 8 stiʼ octubre.

10 min. Stiidxaʼ Dios rudii endanabani. Ti libana ni. Para cueendunu stale biaʼ ra riuundaʼ Biblia iráʼ semana lu Scuela stiʼ cani Rucheeche Diidxaʼ la? zeeda lu La Atalaya tuudxi tema, ne ra gueeda cani ca zaree lá «La Palabra de Jehová es viva». Biquiiñeʼ La Atalaya 15 stiʼ septiembre 2004, yaza 24 dede 27 para guluiʼluʼ xii nga zeeda lu cani. Despué de uzeeteni caadxi de ca capítulo ca la? nuu ti ndaa ra na «Respuestas a preguntas bíblicas» ra cusiene caadxi historia nagana zeeda lu Biblia. Ne cani cá lu «Lecciones para nosotros» ca caníʼ pabiáʼ nga risaca ra bíʼndanu ca. Guníʼ chupa chonna ejemplu ni uluíʼ de que iráʼ cani gueeda ca zacané cani laanu ti guiénenu jma Stiidxaʼ Dios. Gudxi cani cucaadiaga uyúbicaʼ modo cueenducaʼ stale lu cani zeeda lu ca rebista ca ora uzulú guiuundaʼ libru stiʼ Deuteronomio lu sti semana ca.

20 min. «Iquiiñenu Biblia jneza»b Biquiiñeʼ ca endarinabadiidxaʼ ni maca neni. Ca diidxaʼ uzuluneluʼ ca cueeluʼ cani lu libru Benefíciese yaza 145 párrafo 2 ne 3. Bitiidiʼ chupa modo zanda chinándatu cani zeeda luni, tobi ca ora deruʼ primé zigánnacabe binni ne stobi ca ora ibigueta chigánnacabe laabe.

Diidxaʼ riuundaʼ 38 ne orasión iluxeneni.

Semana 4 stiʼ octubre

Diidxaʼ riuundaʼ 5

5 min. Cani chiguieeteʼ stiʼ binni ridagulisaa.

15 min. Ni caquiiñeʼ binni ridagulisaa.

25 min. «Naquiiñeʼ guni respetarnu modo runi mandar Jiobá.» Biindaʼ Judas 11 ne ca diidxaʼ uzuluneluʼ cadi indaa diʼ cani chupa minutu. De racá bizulú unabadiidxaʼ cani cá luni ne icabi cani cucaadiaga. Uníʼ de que para chulaʼdxiʼ Jiobá ni cayúninu la? riquiiñeʼ cadi ucaalunu laabe casi biʼniʼ Coré ne chinándanu ejemplu stiʼ ca xiiñibe, cani bisihuinni de que ni jma risaca para laacaʼ nga cadi usaanacaʼ Jiobá.

Diidxaʼ riuundaʼ 99 ne orasión iluxeneni.

[Ni cá ñee yaza]