Cani chitiidiʼ lu guendaridagulisaa stiʼ dxiiñaʼ stinu
Semana 13 stiʼ diciembre
Diidxaʼ riuundaʼ 47
10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Gudxi cani cucaadiaga ca gúʼyacaʼ videu ni láʼ La negativa a la sangre. La medicina acepta el reto, ni chiguiuunda sti semana ca lu Guendaridagulisaa stiʼ Dxiiñaʼ Stinu. Bizeeteʼ ni maʼ udíxhetu aca para chigucheechetu diidxaʼ 25 stiʼ diciembre ne 1 stiʼ enero. Bitiidiʼ chupa modo zanda usaanacabe revista, tobi ca ne La Atalaya 15 stiʼ diciembre ne stobi ca ne ¡Despertad! 22 stiʼ diciembre, casi cá lu yaza 4 stiʼ guiʼchiʼ riʼ (pa zanda iquiiñeʼ cani neza ra rucheechetu diidxaʼ). Zanda iquiiñeʼ xcaadxi modo para usaananetu cani binni. Lu cada tobi de laacani uluíʼcabe gadxé gadxé modo icábitu ora gábicabe laatu «Maʼ nannaʼ xi dxiiñaʼ rúnitu» (laguuyaʼ libru Razonamiento, yaza 20).
35 min. «Guendaridagulisaa de chonna gubidxa ca racaneni laanu sánenu Dios». Gutiidiʼ ti binnigola ni. Ca diidxaʼ uzuluneluʼ cadi indaa diʼ cani nin ti minutu. Biindané cani cucaadiaga ca cani gudiʼdiʼ lu guendaridagulisaa roʼ ne biquiiñeʼ ca endarinabadiidxaʼ ni cá luni. Gulaʼquiʼ chaahuiʼ xtiémpuluʼ ti ganda icábicabe jneza iráʼ ca endarinabadiidxaʼ ni neni, neca tobi si tu zanda icabi lu cada tobi de laacani. Pur tiempu ca la? qué zanda diʼ guiuundaʼ iráʼ ca textu ca, peru cá cani racá ti ganda acaneni laacabe idxélacabe ni icábicabe. Cani icabi ca la? naquiiñeʼ iníʼcabe xi ribeendúcabe ra gúnicabe iráʼ ni biziidicabe.
Diidxaʼ riuundaʼ 17 ne oración iluxeneni.
Semana 20 stiʼ diciembre
Diidxaʼ riuundaʼ 68
10 min. Cani chiguieeteʼ stiʼ binni ridagulisaa. Sti semana ni zeeda ca, lu Guendaridagulisaa stiʼ Dxiiñaʼ Stinu ziuundaʼ ne ziaaziʼ ca documentu: Directriz médica y exoneración de responsabilidad, Tarjeta de identidad, carta poder (DACP) ne Anexo 1. Unabaʼ iráʼ cani rucheeche diidxaʼ ni maʼ uyuunisa chinecaʼ DACP ni ucuaacabe ra bizulú iza riʼ ti chinándacabe ra chiguiuunda ca. Cani rucheeche diidxaʼ ni nacubi uyuunisa ne cani maʼ bibiguetaʼ ndaaniʼ xquidxi Jiobá (restablecidos) la? naquiiñeʼ icaacabe ca guiʼchiʼ DACP, Anexo 1 ne Guiʼchiʼ gacané guidxá ca directriz anticipada lu guendaridagulisaa ca.
10 min. Dxiiñaʼ ni runi xconciéncianu. Libana ni udii ti binnigola, zeedani lu La Atalaya 15 stiʼ junio 2004, yaza 23 ne 24, párrafo 16 dede 19. Bisihuinni de que nabé risaca nga ni ininu gúnicabe laanu ora chinándanu ni na xconciéncianu, purtiʼ zándaca uxhéleni laanu de Jiobá.
25 min. «Biziidiʼ stale ra gúʼyaluʼ videu La negativa a la sangre. La medicina acepta el reto.» Zanda inabadiidxuʼ cani cucaadiaga, zeeda ni lu videu Negativa a la sangre, ne iquiiñeluʼ ca endarinabadiidxaʼ ni zeeda lu yaza 4. Biindaʼ últimu párrafo ca ora ilúxeluʼ.
Diidxaʼ riuundaʼ 50 ne oración iluxeneni.
Semana 27 stiʼ diciembre
Diidxaʼ riuundaʼ 36
10 min. Cani chiguieeteʼ stiʼ binni ridagulisaa ne pagala nuu. Bisietenalaʼdxiʼ cani rucheeche diidxaʼ udiicaʼ pabiáʼ dxiiñaʼ bíʼnicaʼ lu beeu diciembre. Bitiidiʼ chupa modo usaanacabe revista, tobi ca ne La Atalaya 1 stiʼ enero ne stobi ca ne ¡Despertad! 8 stiʼ enero, casi cá lu yaza 4 stiʼ guiʼchiʼ riʼ (pa zanda iquiiñeʼ cani neza ra ruchechetu diidxaʼ).
10 min. Ni caquiiñeʼ binni ridagulisaa.
25 min. Gudxiilunu sin guidxíbinu ora málasi aca internarnu ndaaniʼ ti hospital. Biquiiñeʼ libana ni biseendaʼ Betel. Dxi aca guendaridagulisaa riʼ secretariu ca naquiiñeʼ gápabe stale de ca guiʼchiʼ Directriz médica y exoneración de responsabilidad ne Tarjeta de identidad para udiibe cani rucheeche diidxaʼ ni maʼ uyuunisa ne xiiñicaʼ. Cani bichá ca guiʼchiʼ Directriz anticipada y carta poder para atención médica (DACP, DPA para Belice) ra bizulú iza riʼ la? cadi naquiiñeʼ diʼ gúnicabe stobi nacubi. Ora guchatu ca guiʼchiʼ riʼ ra lídxitu la? naquiiñeʼ guʼyaʼ chaahuitu ximodo gúnitu ni, peru CADI guni firmartu cani. Zaca firmar cani nezalú ca testigu stitu ne zacá fecha luni dxi idagulisaa Grupuhuiiniʼ ni Ruundaʼ Libru stiʼ ca Binni Ridagulisaa; binnigola ni rusiidiʼ racá naquiiñeʼ acanebe cani qué ganna. Cani chiguni firmar de testigu la? naquiiñeʼ guʼyapecabe guni firmar ni stiʼ guiʼchiʼ ca. Cani rucheeche diidxaʼ ni caʼruʼ chúʼnisa zanda gúnicabe ti guiʼchiʼ para laacabe ne para xiiñicabe casi cá lu Directriz médica y exoneración de responsabilidad, la Tarjeta de identidad ne DACP.
Diidxaʼ riuundaʼ 8 ne oración iluxeneni.
Semana 3 stiʼ enero
Diidxaʼ riuundaʼ 27
7 min. Cani chiguieeteʼ stiʼ binni ridagulisaa. Bizeeteʼ cani zanda usaananetu binni beeu enero.
18 min. «Gúʼndanenu binni modo ganda iniisi jma lu Stiidxaʼ Dios. 4 ndaa.» Biquiiñeʼ primé párrafo ca para uzululuʼ ne cadi indaadiluʼ nin ti minutu. Bitiidiʼ tuuxa para uluíʼ ximodo ti maestru rusiidibe ni cayuundanebe ca chuʼ listu para gúʼndacabe, casi zeeda lu párrafo 2 ne 3 ca, zanda iquiiñebe ti párrafo stiʼ libru Conocimiento o stiʼ folletu Exige. Despué la? bizeeteʼ modo galán úcani laga cayuundatu ca párrafo 2 dede 5 ra inabadiidxaluʼ ne icábicabe.
20 min. Iquiiñenu libru Razonamiento para uguʼnu gana xcaadxi. Zanda inabadiidxuʼ lu libana riʼ. Iranu gatiga riquiiñenu chuʼ tu uguu gana laanu. Nga runi nápanu xidé gúʼyanu de que naquiiñepeʼ nga uguʼnu gana ca bíchinu ne ca bizánanu ne zaqueca ca binni ni idxélanu ora ziucheechenu diidxaʼ, ni cadíʼdicaʼ ra nagana (1 Tes. 5:14). Unabaʼ ca binni ridagulisaa iniʼcaʼ ximodo zanda iquiiñecaʼ ni cá lu libru Razonamiento yaza 144 dede 148 para uguucaʼ gana tuuxa ni cadiʼdiʼ lu ca endanagana ni cá lu ca yaza ca ne iquiiñecabe Biblia. Gudxi cani cucaadiaga ca uyúbicabe modo uguucabe gana tuuxa ora caquiiñeʼ acanécabe laa (Gál. 6:10).
Diidxaʼ riuundaʼ 79 ne oración iluxeneni.
[Ni cá ñee yaza]
Pa cadi cá gadxé la? ca textu riʼ biree cani lu Stiidxa Dios Didxazá o lu Traducción del Nuevo Mundo de las Santas Escrituras (NM).