Cani chitiidiʼ lu guendaridagulisaa stiʼ dxiiñaʼ stinu
Semana 10 stiʼ enero
Diidxaʼ riuundaʼ 223
10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Bitiidiʼ chupa modo zanda usaanacabe revista, tobi ca ne La Atalaya 15 stiʼ enero ne stobi ca ne ¡Despertad! 22 stiʼ enero, casi modo zeeda lu yaza 8 (pa zanda iquiiñeʼ cani neza ra rucheechenu diidxaʼ). Zanda iquiiñetu xcaadxi modo para usaananetu cani binni. Lu tobi de laacani la? biluíʼ ximodo usaananu revista ra nuu ca binnilídxinu ni cadi Testigu.
15 min. «Dxaʼ ladxidoʼno de Stiidxaʼ Dios.»* Pa udii tiempu la? biindaʼ ne uníʼ de ca textu ni zeeda racá.
20 min. «Ca dxi ni bibí para usaananu folletu cubi.»a Utiidiʼ binnigola ni ruuyaʼ modo rireeche diidxaʼ ni. Bitiidiʼ ca modo zanda usaananu folletu ca casi zeeda luni. Lu tobi de laacani, binni ni caniʼnécabe ca usihuinni de que huaxiéʼ riulaʼdxiʼ ucaadiaga de lu Biblia ne usaananécabe laabe ti tratadu ne maʼ cadi folletu ca.
Diidxaʼ riuundaʼ 143 ne oración iluxeneni.
Semana 17 stiʼ enero
Diidxaʼ riuundaʼ 34
10 min. Cani chiguieeteʼ stiʼ binni ridagulisaa. Uníʼ xi maʼ naguíxhetu aca ca dxi bibí para usaananu folletu cubi.
15 min. Hombrehuiiniʼ ne dxaapahuiiniʼ, caniisitu lu Stiidxaʼ Dios la? Libana udii ti binnigola, zeeda ni lu La Atalaya 1 stiʼ abril 2003, yaza 8 dede 10. Bizeeteʼ caadxi guenda ni zanda gapa cani nahuiiniʼ ca ne uluu gana laacabe para ugaandacabe ni.
20 min. «Inínenu binni modo ganda ucaadiaga laanu.» Biindané ni cani cucaadiaga ne zanda icábicabe, zeedani lu yaza 6 stiʼ guiʼchiʼ riʼ. Bitiidiʼ chupa modo zanda iquiiñeʼ cani para usaanacabe libru ni canazanenu beeu riʼ. Lu iropa ni tiidiʼ ca, ni rucheeche diidxaʼ ca gúʼndabe ti textu ni caníʼ de xiixa ni naguu xizaa binni caníʼnebe ca.
Diidxaʼ riuundaʼ 78 ne oración iluxeneni.
Semana 24 stiʼ enero
Diidxaʼ riuundaʼ 163
10 min. Cani chiguieeteʼ stiʼ binni ridagulisaa ne pagala nuu. Uníʼ xiixa de ni cá lu cuadru «Cani nuu lu DVD».
10 min. Ndaa ra rinabadiidxaʼ. Libana ni.
25 min. «Ximodo zanda iquiiñenu ca modo ni reeda para ucheechenu diidxaʼ.»b Biquiiñeʼ ca endarinabadiidxaʼ ni maca neni. Bizeeteʼ de que ca yaza 3 dede 5 stiʼ guiʼchiʼ ni rizaané Xhiiñaʼ Reinu ni Rúninu stiʼ beeu riʼ, zedaneni caadxi modo zanda iquiiñenu para usaananu xiixa libru o folletu. Naquiiñeʼ sánenu ni para iquiiñenu ni idubi iza. Guiuundaʼ si idubi ni la? bisiene ximodo zanda usaananu libru Acerquémonos a Jehová beeu febrero. Biluíʼ chupa modo zanda ácani casi zeeda lu yaza 3 o xcaadxi modo jma galán ni zanda iquiiñeʼ neza ra rucheechenu diidxaʼ.
Diidxaʼ riuundaʼ 200 ne oración iluxeneni.
Semana 31 stiʼ enero
Diidxaʼ riuundaʼ 157
10 min. Cani chiguieeteʼ sti binni ridagulisaa. Bisietenalaʼdxiʼ cani rucheeche diidxaʼ udiicaʼ pabiáʼ dxiiñaʼ bíʼnicaʼ beeu enero. Bitiidiʼ ti modo zanda usaanacabe folletu ca ne ácani modo jma riulaʼdxiʼ binni ucaadiaga neza ra rucheechenu diidxaʼ. Pa udii tiempu la? bizeeteʼ cani galán bizaaca ca dxi bisaananu folletu cubi ca.
15 min. Ni caquiiñeʼ binni ridagulisaa.
20 min. Ñee rúʼndanu Stiidxaʼ Dios iráʼ dxi la? Zanda icábicabe lu libana riʼ, zeedani lu folletu Examinando las Escrituras diariamente 2005 ra cá ximodo riquiiñeʼ ni. Iranu naquiiñeʼ cueenu ti ratuhuiiniʼ ti gúʼndanu textu iráʼ dxi ne ra zeedaníʼ de laani. Dede ante biyubi tobi o chupa ni rucheeche diidxaʼ para iniʼcaʼ pora ruundacaʼ textu iráʼ dxi ne xi huabeendúcabe. Nagueenda bisiene textu stiʼ iza 2005 ora ilúxeluʼ.
Diidxaʼ riuundaʼ 184 ne oración iluxeneni.
Semana 7 stiʼ febrero
Diidxaʼ riuundaʼ 97
10 min. Cani chiguieeteʼ stiʼ binni ridagulisaa.
15 min. Ni bizaaca ca binni ridagulisaa. Unabaʼ cani cucaadiaga iniʼcaʼ de xiixa ni bizaacacaʼ ora bicheechecaʼ diidxaʼ ca dxi bisaananenu binni folletu cubi. Zanda inabuʼ utiidicabe cani jma galán modo uca. Pa cará ca folletu stiʼ ca binni ridagulisaa la? zanda inábacabe cani rucheeche diidxaʼ udxiguétacaʼ caadxi folletu pa náparucaʼ stale ra lídxicaʼ.
20 min. Jiobá qué rucá para udii laanu ni galán (Sal. 84:11). Bitiidiʼ chupa chonna bíchinu ne bizánanu ni qué huacheenecaʼ Jiobá ora ridíʼdicaʼ ra nagana para icábicaʼ ca endarinabadiidxaʼ riʼ. Xi endanagana huadxagalutu. Xi huayacané laatu para guni huantartu. Xi endanayecheʼ huayápatu ne xii ndaayaʼ huacaatu.
Diidxaʼ riuundaʼ 104 ne oración iluxeneni.
[Ni cá ñee yaza]
a Ca diidxaʼ uzuluneluʼ cadi indaa diʼ cani nin ti minutu, óraque inabadiidxaluʼ ne icábicabe.
b Pa cadi cá gadxé la? ca textu riʼ biree cani lu Stiidxa Dios Didxazá o lu Traducción del Nuevo Mundo de las Santas Escrituras (NM).