Cani chitiidiʼ lu guendaridagulisaa stiʼ dxiiñaʼ stinu

Semana 14 stiʼ febrero

Diidxaʼ riuundaʼ 174

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Bitiidiʼ chupa modo zanda usaanacabe revista casi zeeda lu yaza 8 (pa zanda iquiiñeʼ cani neza ra rucheechetu diidxaʼ): tobi ca ne La Atalaya 15 stiʼ febrero ne stobi ca ne ¡Despertad! 22 stiʼ febrero. Ne huaxiéʼ diidxaʼ uníʼ ximodo zanda iquiiñeʼ neza ra rucheechetu diidxaʼ ca modo reeda para ácani (biiyaʼ Xhiiñaʼ Reinu ni Rúninu stiʼ enero 2005, yaza 8).

35 min. «Ca dxi guietenaláʼdxinu guendaguti stiʼ Jesús: ca dxi jma raca dxiiñaʼ.»a Udii binnigola ni ruuyaʼ modo rireecheʼ diidxaʼ ni. Ora chindaluʼ lu párrafo 6 la? uníʼ caadxi ni zeeda lu ca yaza 12 ne 13 stiʼ ¡Despertad! 8 stiʼ septiembre 2004. Bizeeteʼ lá cani maʼ uníʼ zácacaʼ precursor auxiliar. Uníʼ de xcaadxi hora ni maʼ udíxhetu para chigucheechetu diidxaʼ. Uluu gana cani cucaadiaga gúnicaʼ jma lu xhiiñaʼ Jiobá ca dxi guietenaláʼdxinu guendaguti stiʼ Jesús.

Diidxaʼ riuundaʼ 14 ne oración iluxeneni.

Semana 21 stiʼ febrero

Diidxaʼ riuundaʼ 31

10 min. Cani chiguieeteʼ stiʼ binni ridagulisaa. Bizeeteʼ cani naquiiñeʼ si ni zeeda lu cuadru stiʼ yaza 6 ra na «Ucané iziidirúcabe jma». Gudxi laacabe uchácabe nagueendaca guiʼchiʼ Sírvase visitar (S-43-S) ora naquiiñeʼ si.

20 min. «Udiʼnu xquíxepeʼ Jiobá pur endarannaxhii ni qué rusaana stiʼ.»b Bizeeteʼ pora guietenaláʼdxinu guendaguti stiʼ Jesús ne paraa chigaca ni, ne laaca uníʼ tu lá bíchinu ni chigudii libana ca ne xcaadxi ni naquiiñeʼ gánnacabe. Ora chindaluʼ lu párrafo 4 la? tobi ni rucheeche diidxaʼ tiidiʼ ne uluíʼ ximodo guni invitar tuuxa ni risaanabe revista ra nuu para cheʼ ra guietenaláʼdxinu guendaguti stiʼ Jesús. Ca invitación ca maʼ naquiiñeʼ chuʼ cani ora iluxe endaridagulisaa riʼ.

15 min. «Gúʼndanenu binni modo ganda iniisi jma lu Stiidxaʼ Dios. 5 ndaa.» Tiidiʼ tobi ni maʼ xadxí rucheeche diidxaʼ ne stobi ni nacubi para güínebe laa xi zanda guni ne cani raca nagana para laanu nuu biaje casi cani cayeeteʼ lu ca párrafo 4 ne 5.

Diidxaʼ riuundaʼ 21 ne oración iluxeneni.

Semana 28 stiʼ febrero

Diidxaʼ riuundaʼ 42

15 min. Cani chiguieeteʼ stiʼ binni ridagulisaa ne pagala nuu. Bisietenalaʼdxiʼ cani rucheeche diidxaʼ udiicaʼ pabiáʼ dxiiñaʼ bíʼnicaʼ beeu febrero. Pa zanda iquiiñeʼ cani zeeda lu yaza 8 neza ra rucheechetu diidxaʼ la? biquiiñeʼ cani para uluiʼluʼ ximodo zanda usaanacabe revista: tobi ca ne La Atalaya 1 stiʼ marzo ne stobi ne ¡Despertad! 8 stiʼ marzo. Zanda gúnitu cani sti modo ni ganda iquiiñeʼ neza ra nuutu. Ora iluxe tobi de laacani la? ni rucheeche diidxaʼ ca iquiiñebe últimu yaza stiʼ Despertad! 8 stiʼ marzo para guni invitarbe binni caníʼnebe ca cheʼ ra guietenaláʼdxinu guendaguti stiʼ Jesús.

20 min. Iquiiñenu folletu cubi ca para ucaʼnu binni chulaʼdxiʼ iziidiʼ jma. Libana ni udii binnigola ni ruuyaʼ modo rireecheʼ diidxaʼ ne zanda icabi cani cucaadiaga. Naquiiñeʼ ibiguétanu ra nuu ca binni ni ucuaa folletu ¡Manténgase alerta! para acanenu laacabe chuláʼdxicabe iziidicabe jma. Biquiiñeʼ iropa yaza stini para iniʼluʼ ni zeeda luni ne huaxiéʼ diidxaʼ, ne laaca uníʼ de ca cuadruhuiiniʼ stini. Laacani zanda iquiiñeʼ cani ora ibigueta chigánnanu binni sin indaanu ne zusíʼdinu laacabe xiixa ni risaca. Casi pa uluiʼluʼ ni cá lu ca yaza 3 ne 4 primé biaje iníʼneluʼ laabe la? ora ibiguétaluʼ zanda iquiiñeluʼ ra na «¿Se interesa realmente Dios por nosotros?», ni zeeda lu yaza 5. Uníʼ ximodo zanda ácani. Bizeeteʼ de xcaadxi cuadru ni dieʼ, casi stiʼ ca yaza 6 dede 8 ó 17 ne 18, o intiisi cuadru ni ganda iquiiñeʼ neza ra rucheechetu diidxaʼ. Tobi ni rucheeche diidxaʼ uluíʼ ximodo ibigueta chigánnacabe tuuxa ra iquiiñebe tobi de ca cuadru ca. Gúʼndabe ne usiénebe tobi o chupa chonna textu ni zeeda racá ne ora ilúxebe uluiʼbe sti cuadru ni zanda gúʼndacabe sti biaje chebe.

10 min. Bisaanané binni folletu ¡Manténgase alerta! Biindaʼ ne biluíʼ ca modo ni zanda iquiiñeʼ para usaanacabe folletu ca beeu marzo. Zanda iquiiñeʼ cani zeeda lu ni rizaané Xhiiñaʼ Reinu ni Rúninu stiʼ enero 2005 o xcaadxi modo ni jma zanda iquiiñeʼ neza ra rucheechetu diidxaʼ.

Diidxaʼ riuundaʼ 72 ne oración iluxeneni.

Semana 7 stiʼ marzo

Diidxaʼ riuundaʼ 12

10 min. Cani chiguieeteʼ stiʼ binni ridagulisaa. Bizeeteʼ cani naquiiñeʼ si ni zeeda lu cuadru ra cá «Ni gánnanu ora guietenaláʼdxinu guendaguti stiʼ Jesús».

15 min. Ni caquiiñeʼ binni ridagulisaa.

20 min. «Usaananenu binni ca revista ca ora chigucheechenu diidxaʼ.»* Uníʼ ximodo zanda iquiiñetu cani zeeda lu ca párrafo 3 ne 4 neza ra rucheechetu diidxaʼ. Sin indaaluʼ unabadiidxaʼ tobi o chupa ni rucheeche diidxaʼ ni nánnacaʼ usaanacaʼ revista ra nuu ca negocio ca, ndaaniʼ calle, ra nuu stale binni o pacaa ora rucheechecaʼ diidxaʼ ratiica si. Unabaʼ laacabe usiénecabe ximodo rúnicabe ni iráʼ ra maʼ bieeteʼ ca. Biluíʼ ti modo zanda ácani o tuuxa uluíʼ ximodo bíʼnini.

Diidxaʼ riuundaʼ 192 ne oración iluxeneni.

[Ni cá ñee yaza]