Ximodo zanda usaananu revista

15 stiʼ junio

«Stale de laanu zúninu dxiiñaʼ biaʼ dxi nabáninu. Nuu stale binni ruuyaʼ ni casi ti ndaayaʼ, peru xcaadxi ruuyaʼ ni casi ti castigu. Lii ximodo ruuyaluʼ ni yaʼ. [Uleza icábibe. De racá biindaʼ Eclesiastés 2:24.] Revista riʼ cusiéneni laanu ximodo zanda acané Biblia laanu para gúninu dxiiñaʼ biaʼ ganda. Ne laaca cayabi ni laanu xi gúninu ti cadi guni huará dxiiñaʼ stinu laanu.»

22 stiʼ junio

«Ñee raʼbuʼ nibani ca binni xquídxinu jma galán pa ninándacaʼ ni na ca diidxaʼ riʼ la? [Biindaʼ Efesios 4:28 ne bidii lugar icábibe.] Revista riʼ cusiene xi iráʼ endanagana riuu pur ribáʼnacabe ndaaniʼ ca tienda ca. Ne laaca rusiidiʼ ni de que mayaca zaree endaribaʼnaʼ ne endarucheené ley.»

1 stiʼ julio

«Iranu runadiáganu de binni ni ruluíʼ nabani galán, peru ni dxandíʼ nga cadi nabánicaʼ nayecheʼ. Lii xi raʼbuʼ cayaadxaʼ laacabe yaʼ. [Uleza icábibe. De racá biindaʼ Lucas 11:28.] Revista riʼ cusiéneni laanu de que ni jma risaca para gatadxí ladxidoʼno nga: izíʼdinu de Dios ne gúninu ni nabe.»

8 stiʼ julio

«Lu ca negocio nuu yanna riʼ stale tu laa qué náʼ guiabayú, runi nga stale binni riaana sin dxiiñaʼ. Revista riʼ culuiʼni gaayuʼ modo zanda idxela binni dxiiñaʼ [biluíʼ laabe ca letra yaasehuiiniʼ ra na «Gaayuʼ modo zanda iquiiñeʼ binni para idxela dxiiñaʼ»]. Laaca cusiéneni ximodo cadi unítinu dxiiñaʼ stinu.» Biindaʼ Proverbios 22:29, ni zeeda lu yaza 10.