Ndaa ra rinabadiidxaʼ

◼ Ñee jneza nga guyúbinu guiráʼ ni chiguiuunda lu Scuela stiʼ cani Rucheeche Diidxaʼ ne gúninu cani tobi si para gudiʼnu ni ca bíʼchinu ne ca bizáʼnanu ni ridagulisaanenu la?

Zanda gúninu ni para binnilídxisinu ne cani jma xhamígunu. Ni cadi jneza nga gudiʼnu ni guiráʼ bíʼchinu o gutoʼno ni, purtiʼ pa gúninu zacá la? zuchéʼnenu ley ra cá xi derechu napa binni ni rucaa ti libru (Rom. 13:1).

Nuu libana ni ridiʼdiʼ lu Scuela stiʼ cani Rucheeche Diidxaʼ cadi cá diʼ paraa guyúbicabe ni, sínuque tema si stiʼ cani cá. Pa niree ti lista ra zanda guidxela ca libana ni chitiidiʼ lu Scuela stiʼ cani Rucheeche Diidxaʼ o nidxela guiráʼ ni chitiidiʼ lu Scuela ca ne ñúnicabe ni tobi si para niquiiñeʼ cani napa libana, ñee raʼbuʼ ñacané nga laacabe la? Coʼ. Laaca cadi jneza nga gudiʼnu laacabe ni guicábicabe ora guietenaláʼdxinu ni biuundaʼ lu Scuela stiʼ cani Rucheeche Diidxaʼ, purtiʼ qué ziaana ndaaniʼ íquecabe ca cosa ni jma risaca biziidicabe. Cada tobi ni nuu lu scuela ca naquiiñeʼ guʼndaʼ ne guyubi xi guicabi. Modo gudixhe Jiobá para gusiidiʼ laanu lu Scuela riʼ, gúcani para gacané ni laanu guininu casi riníʼ binni ni biziidiʼ jneza (Isa. 50:4).