Cani chiguieeteʼ

◼ Cani zanda gusaananu beeu enero: intiica libru de 192 yaza ni biree ante de 1991. Pa gastiʼ ca libru riʼ ra ridagulisaanu la? zanda gusaananenu laacabe libru Conocimiento o folletu ¡Manténgase alerta! Febrero: Acerquémonos a Jehová. Ne pa qué gápatu ni la? zanda gusaanatu libru Apocalipsis o sti libru ni maʼ xadxí biree. Marzo: Xipeʼ ndiʼ cusiidiʼ Biblia. Laguni stipa pur guzulú gúʼndanetu binni Biblia.

◼ Dede lu beeu febrero, ne cadi tiidiʼ 4 stiʼ marzo, ca binnigola ni riganna ca binni ridagulisaa zuzulú gudiicabe ti libana nacubi ni láʼ «¿Quién será digno de entrar en el nuevo mundo de Dios?» (Tu laa zanda guibani ndaaniʼ Guidxilayú cubi stiʼ Dios).

◼ Pa tuuxa ni rucheeche diidxaʼ chindeza sti guidxi roʼ (casi ora guiree de ndaaniʼ guidxi Méjicu), binnigola ni nuu ra guyuube ca zuseendaʼ carta ni caníʼ pur laabe ne tarjeta stibe ra chiguidagulisaabe. Pa qué ganna binnigola ca pa nézapeʼ guseendaʼ ca guiʼchiʼ stiʼ ni rucheeche diidxaʼ ca la? zanda guseendabe cani Betel stiʼ Méjicu. Laaca zanda gánnabe xi láʼ neza guseendabe ca guiʼchiʼ ca pa gúʼyabe lu anuario ni jma nacubi. Zacaca zuni cani rucheeche diidxaʼ de sti guidxi roʼ ni gueeda Méjicu. Ne laaca zacaca naquiiñeʼ guni ca binnigola ne tuuxa ni guyuu sti guidxi roʼ ne bisaana de gaca Testigu raqué, ne yanna maʼ racalaʼdxiʼ guibiguetaʼ ndaaniʼ xquidxi Jiobá. Ora maʼ gudiʼdiʼ chonna o tapa beeu ne caʼruʼ gánnatu pa maʼ zanda guibiguetaʼ gácabe Testigu sti biaje la? zanda gucaatu Betel ni nuu Méjicu para guiniʼtu xi cayaca.

◼ Ca binni ridagulisaa ca naquiiñeʼ cúʼcabe listu guiráʼ ni zaquiiñeʼ ora guietenaláʼdxicabe guendaguti stiʼ Jesús ni chigaca iza riʼ, lunes 2 stiʼ abril guiaaziʼ si Gubidxa. Neca zanda guzulú libana ca ante, pan ne vinu ca zadiʼdiʼ cani guiaaziʼ si Gubidxa. Laguinabadiidxaʼ pórapeʼ nga riaaziʼ Gubidxa neza ra nuutu. Ni jma galán nga cada neza binni ridagulisaa guyúbicaʼ ti lugar para guietenaláʼdxicaʼ guendaguti stiʼ Jesús, peru cadi guiráʼ biaje zanda gácani zacá. Casi ra nuu chupa chonna neza binni ridagulisaa ni riquiiñecaʼ tobi si Yoo stiʼ Reinu la? zanda tobi o chupa de laacabe guyúbicabe sti lugar gúnicabe ni gueelaʼ ca. Cayábidu laatu pa ganda la? gusaanatu biaʼ cuarenta minutu para guzulú sti neza binni ridagulisaa ti ganda guiníʼnecabe cani cheʼ raqué. Laaca riquiiñeʼ guiníʼ íquetu paraa guzuhuaa ca carru stiʼ ca bíʼchinu ne pa nuu lugar guzuhuaa carru ni chisaana o chicaa cani cheʼ guendaridagulisaa ca. Ca binnigola ca zuuyacabe gunáʼ nga ni jma jneza gaca.

◼ Riéchepedu nga gábidu laatu maʼ guca ti guiʼchiʼ ra cá modo tiidiʼ Scuela stiʼ cani Rucheeche Diidxaʼ lu diidxaʼ maya, tsotsil ne diidxazá stiʼ istmo lu iza 2007. Lu guiʼchiʼ ca bidxaa chupa chonna cosa para ganda iquiiñeluʼ ca libru, folletu ne revista ni maʼ biree lu stiidxaluʼ. Zuzulú zaquiiñeʼ ni 1 stiʼ enero 2007, ne maʼ qué zaquiiñeʼ cani zeeda lu guiʼchiʼ stiʼ Scuela stiʼ cani Rucheeche Diidxaʼ stiʼ diidxastiá. Ribézadu gacané guiʼchiʼ riʼ cani rutiidiʼ libana lu scuela ca. Purtiʼ maʼ qué zápacabe dxiiñaʼ para gutiixhicabe libana ca lu stiidxacabe. Ca libana Modo guiniʼluʼ Jnézapeʼ, zareeruʼ cani ndaaniʼ libru Benefíciese de la Escuela del Ministerio Teocrático. Primé libana, guiropa, guionna ne guidapa la? zabeetu cani lu ca libru, folletu ne revista ni maʼ nápatu lu stiidxatu.

◼ Ca secretariu stiʼ ca neza binni ridagulisaa naquiiñeʼ gúʼyacabe pa nápacabe carta (S-202) ra cá padxí bizulú cada precursor regular. Pa qué gápacabe ni la? naquiiñeʼ gucaacabe Betel.