Cusíʼdidu binni guʼndaʼ ne gucaa

Lu iza 1946 bizuludu cusíʼdidu binni guʼndaʼ ne gucaa. Panda binni maʼ gucanedu yaʼ. Lu iza 2005 biziidiʼ 551 gunaa guʼndaʼ ne gucaa ne zaqueca biziidiʼ 189 hombre, biaʼ si gúcacabe 148,344 dede nagasi. Cadi bisíʼdisidu ca binni riníʼ diidxastiá gúʼndacaʼ ne gucaacaʼ stiidxacaʼ, sínuque laaca bisíʼdidu ca binni ni riníʼ maya, mazateco, mixteco, náhuatl, purépecha ne tsotsil gúʼndacaʼ ne gucaacaʼ stiidxacaʼ.

Guiráʼ ndiʼ la? rusihuinni cani nuu stale binni ni caquiiñeʼ gacanécabe laa guiziidiʼ guʼndaʼ ne gucaa. Rusíʼdidu binni para ganda guʼndaʼ Biblia, ganna xi racalaʼdxiʼ Jiobá ne ganna ximodo guni ni lu xquendanabani. Rusíʼdidu binni xhoopaʼ beeu ne guiráʼ iza ruzuludu lu beeu enero, peru pa caruʼ guiziidiʼ chaahuibe lu xhoopaʼ beeu ca la? zanda guicaadu jma tiempu para gusíʼdidu laabe, zacá bieeteʼ lu Nuestro Ministerio del Reino stiʼ junio 1995, yaza 7.

Guluu gana guiráʼ ca bíʼchinu ne bizáʼnanu ni caquiiñeʼ guicá lá ti guiziidicaʼ gúʼndacaʼ ne gucaacaʼ. Racaláʼdxidu gusíʼdirudu binni guʼndaʼ ne gucaa. Pa guiranu gacanenu ne stale guendanayecheʼ lu dxiiñaʼ riʼ la? stale tu zaziidiʼ. Ni cusiidiʼ ca naquiiñeʼ guicá ique gacané cani caziidiʼ ca ti ganda guchechecaʼ Stiidxaʼ Dios jma galán (Mat. 24:14).