Cani chiguieeteʼ

◼ Cani zanda gusaananu lu beeu noviembre: Guizíʼdinu de Maestru Ni Jma Nanna Gusiidiʼ; pa binni ca guiníʼ qué gapa xiiñiʼ la? bisaanané laabe libru Xipeʼ ndiʼ cusiidiʼ Biblia. Diciembre: Biʼniʼ adorar tobi lucha Dios ni dxandíʼ. Laaca zanda iquiiñetu ca folletu ni maʼ nuu lu diidxazá. Enero: Revista Torre stiʼ ni rapa ne ¡Despertad! Laguyubi ximodo guzulú gúʼndanetu ca binni ni riuulaʼdxiʼ guiziidiʼ jma, cani guyé ra bietenaláʼdxinu guendaguti stiʼ Jesús o cani guyé sti guendaridagulisaa ni gúpanu. Zanda gúʼndanetu laacabe libru Xipeʼ ndiʼ cusiidiʼ Biblia. Febrero: Libru stinneʼ de ca historia stiʼ Biblia. Ne laaca zanda gusaanatu discu stini.

◼ Jma galán gácatu precursor auxiliar beeu diciembre, purtiʼ neni gaayuʼ sábadu ne gaayuʼ domingu.

◼ Bíʼchinu ni rudii libru ne revista ra ridagulisaatu napa ti lista ra zeeda ni zanda iquiiñetu para ganda gacanetu ca binni ni gadxé gadxé modo biniisi ne ni napa sti religión.

◼ Ca cheque ni riguucabe ndaaniʼ ca caja ni nuu ndaaniʼ ca Yoo stiʼ Reinu ne ra raca ca guendaridagulisaa roʼ ca ne ni ruseendacabe Betel para gacané dxiiñaʼ raca lu guidubi guidxilayú la? naquiiñeʼ gucaacabe ni lá «La Torre del Vigía, A.R.»; ne ca bueltu para ca Yoo stiʼ Reinu (Fondo para Salones del Reino) ni ruseendacabe, naquiiñeʼ gucaacabe ni lá «Congregación Cristiana de los Testigos de Jehová, A.R». Ra naquiiñeʼ guseendatu bueltu para Betel stiʼ Méjicu la? nga nga La Torre del Vigía, A.R., Apartado Postal 896, 06002 México, D.F. Ca cheque guseendaʼ ca de Belice gucaacabe ni lá «Watch Tower», ne ra naquiiñeʼ guseendacabe ni nga Watch Tower Bible and Trac Society of Belize Limited, P.O. Box 257, Belize City, Belize.

◼ Rinábadu guiráʼ cani rucheeche diidxaʼ ni caʼruʼ guchá DACP (Directriz anticipada y carta poder para atención médica) stiʼ la? guchácani. Guiʼchiʼ riʼ zacaneni laanu para cadi gucaacabe laanu rini. Pa caquiiñeʼ gacanécabe lii para guidxani la? guniʼné ca binnigola (biiyaʼ ni rizaané Xhiiñaʼ Reinu ni Rúninu stiʼ noviembre 2006).

◼ Maʼ cadi naquiiñeʼ diʼ gudiʼnu guiʼchiʼ huiiniʼ ni láʼ Informe de estudio (S-3) pur cada binni rúʼndanenu Biblia lu ti beeu. Peru, zucáʼrunu panda binni bíʼndanenu lu ti beeu cueʼ guiʼchiʼ huiiniʼ ni láʼ Informe del servicio del campo (S-4). Yanna, formulariu S-3 ca zaquiiñeni para gucaacabe panda binni guyuu ra ridagulisaanu.

◼ Lu beeu riʼ, guiráʼ neza binni ridagulisaa naquiiñeʼ gúʼyacabe pabiáʼ na ladxidóʼcabe gudiicabe lu iza 2008. Guiráʼ neza binni ridagulisaa ni napa Yoo stiʼ Reinu ni gurí casi modo na Betel, naquiiñeʼ guiníʼcabe pagala gudiicabe pur «Caquiiñecabe Yoo stiʼ Reinu», pa gúʼyacaʼ naquiiñeʼ gudiicaʼ (laguuyaʼ carta 1 stiʼ enero 2004 ni biseenda Betel para cani rucheeche diidxaʼ ni nuu Méjicu ne Belice). Ora maʼ biiyatu pabiáʼ chiguseendatu la? laguseendaʼ ti copia stiʼ guiʼchiʼ ra bicaatu pagala chigudiitu para: «Fondo de Salones del Reino», «Uso de Salón del Reino» ne «Obra del Reino». Cadi guiaandaʼ laatu guseendatu bueltu para Programa de Asistencia a Salones del Reino (PASR). Rudiʼdu xquíxepeʼ laatu pur laacani.

◼ Pa zadxaa hora ridagulisaatu lu beeu enero la? secretariu ca naquiiñeʼ guchabe guiʼchiʼ ni láʼ Información de las Reuniones de Congregación (S-AB-5) ne guseendabe ni Betel pur Grupu ni ruseendaʼ xiixa Betel (Comité de Envíos). Binnigola ni riganna ca neza binni ridagulisaa ca zuuyabe guni grupu ca modo cá raríʼ, ne naquiiñeʼ gúnicabe ni lu beeu diciembre, peru cadi tiidiʼ diʼ beeu enero 2008. Binnigola ca zuseendaʼ guiráʼ guiʼchiʼ stiʼ ca neza binni ridagulisaa ni riganna, casi modo runi ne ca guiʼchiʼ ora rietenaláʼdxinu guendaguti stiʼ Jesús.