Ndaa ra rinabadiidxaʼ

◼ Ñee zanda gucaʼnu correu electrónicu stinu lu ca libru ne revista ni gusaananenu binni la?

Nuu de cani rucheeche diidxaʼ rucaacaʼ ne ti sellu correu electrónicu sticaʼ lu ca revista ne ca tratadu ni rusaananenu binni o nuu tiru ruquiidicaʼ ti guiʼchiʼ huiiniʼ lu cani ra zeeda correu electrónicu sticaʼ. Xiñee rúnicabe zacá yaʼ. Purtiʼ riníʼ íquecabe zacá zanda gucaa binni ca ra nuucabe pa racalaʼdxiʼ guinabadiidxaʼ xiixa. Ra rúnicabe nga la? rusihuínnicabe riuuláʼdxicabe gacanécabe binni. Peru, lu últimu yaza stiʼ ca revista ne ca tratadu ca maca cá ti lugar ra zanda gucaa binni pa racalaʼdxiʼ ganna xiixa, nga runi, cadi naquiiñeʼ guicá correu stiʼ tuuxa lu ca libru ne revista ni rusaananenu binni.

Cada tobi de cani rucheeche diidxaʼ naquiiñeʼ guiníʼ ique pa zusaanané ti binni ni guyuulaʼdxiʼ guiziidiʼ ti guiʼchiʼ huiiniʼ aparte ra cá pa ladu nabeza ne paraa zanda guiniʼnécabe laa. Laaca zanda gúnibe zacaca ne ca binni ni ribiguetaʼ rigánnabe. Peru jma galán nga guiale de ndaaniʼ ladxidoʼno chigánnanu ca binni ni racalaʼdxiʼ guiziidiʼ ne cadi cuézanu guiale de laacaʼ cuídxicaʼ laanu. Ra chigánnanu binni jma zudiicaʼ cuenta pabiáʼ rizaaláʼdxinu laacaʼ.