Ni zaquiiñeʼ laanu para acanenu binni

Cani dxandíʼ zinanda Cristu la? rucheechecaʼ ca diidxaʼ nacubi ne galán ca ranuu guiráʼ binni (Fili. 2:17). Ne ti modo rúnicabe ni nga naguucabe lu Internet, www.watchtower.org foyetu, tratadu ne xcaadxi guiʼchiʼ ni jma riquiiñecabe lu gande diidxaʼ. Raríʼ la? cadi para guiaaziʼ diʼ libru ne rebista cubi lu ca testigu stiʼ Jiobá, sínuque para ganna guiráʼ binni cani dxandíʼ rusiidiʼ ca Testigu de ni zeeda ndaaniʼ Biblia.

Nacubigá guyuu luni ti guiʼchiʼ ni nabé riquiiñenu: foyetu ni láʼ ¿Qué exige Dios de nosotros? ne nuuni lu jma de chupagayuaa diidxaʼ. Ne lu La Atalaya 1 stiʼ enero ne ¡Despertad! 8 stiʼ enero 2004 la? zuzulú zacá lu últimu yaza stícani paraa zanda guidxélacabe foyetu ne xcaadxi guiʼchiʼ ca lu Internet.

Ximodo zanda iquiiñeluʼ ni yaʼ. Pa guidxeʼluʼ ti binni ni racalaʼdxiʼ guiziidiʼ ni riene ti diidxaʼ si, ne randa riquiiñebe Internet la? zanda guluiʼluʼ laabe lu últimu yaza stiʼ ca rebista La Atalaya ne ¡Despertad! ra cá paraa zanda guidxélabe ca guiʼchiʼ ca lu Internet. Zacá la? zanda gúʼndabe foyetu Exige ca lu diidxaʼ ni riniʼbe laga cabézabe chineluʼ xcaadxi guiʼchiʼ ni cá lu stiidxabe ranuube. Laaca zanda guseenduʼ ti guiʼchiʼ ra cá tu labe ne paraa nabézabe ranuu ca binni ridagulisaa ni runi tender cani riníʼ stiidxabe o guseenduʼ ni Betel.