Caquiiñeʼ xiixa lu sti diidxaʼ... ¡nagueendaca!

Ñee huadxélaluʼ tuuxa binni ni ñuulaʼdxiʼ ñuundaʼ ca libru ne ca revista stinu lu stiidxaʼ, peru gastiʼ nin tobi de laacani ra ridagulisaaluʼ la? Ñee maʼ nánnaluʼ zanda guni imprimirluʼ ca guiʼchiʼ ni ribee xquidxi Dios lu tapa gayuaa diidxaʼ la? Ni caquiiñeʼ si guʼnuʼ nga chuʼluʼ lu Internet ne iquiiñeluʼ ti impresora. Raríʼ cá ximodo zanda guʼnuʼ ni:

• Guyé lu www.watchtower.org/s, lugar ni riquiiñenu lu Internet.

• Zuuyaluʼ ladu derechu ca zeeda ti lista ra cá caadxi de ca diidxaʼ ni riníʼ binni. Bidii clic ra cá ti mundu huiiniʼ pa racaláʼdxiluʼ gúʼyaluʼ lista ra cá guiráʼ diidxaʼ.

• Bidii clic ra zeeda diidxaʼ ni racaláʼdxiluʼ. Zaxeleʼ ti yaza ra zeeda ca guiʼchiʼ ni zanda guni imprimirluʼ, casi tratadu, folletu ne xcaadxi guiʼchiʼ huiiniʼ. Cadi guiaandaʼ lii nuuluʼ lu diidxaʼ ni guliluʼ ca, nga runi pa qué guiéneluʼ tema sti ca guiʼchiʼ ca la? cadi guizaaláʼdxiluʼ.

• Bidii clic lu intiica si tema ne zahuínnini lu pantalla ca. Para ganda guni imprimirluʼ guiʼchiʼ ca la? biquiiñeʼ tobi de ca cuadru huiiniʼ stiʼ Internet ca ra na zanda guni imprimirluʼ.

Lugar ni nápanu lu Internet ca culuíʼ si ni ca guiʼchiʼ ni nápanu. Pa racaláʼdxiluʼ xcaadxi libru ne revista la? zanda guinábaluʼ ni ra ridagulisaaluʼ. Ne ora gusihuinni binni ca jma maʼ riuulaʼdxiʼ guiziidiʼ, jma galán guinábaluʼ cani ca xpinni Cristu ni rudii libru ne revista laanu ra ridagulisaanu.