Zanda iquiiñeluʼ sitiu ni nápanu lu Internet para gacaneluʼ ti binni ni riníʼ sti diidxaʼ

Biluíʼ laabe sitiu ca. Gucané laabe cuibe ti diidxaʼ ra zeeda ti lista ra na «Diidxaʼ nuu lu sitiu riʼ». (Ca diidxaʼ ni nuu lu sitiu riʼ, cadi guiráʼ diʼ cani napa cani ca ndaa ni nuu lu sti diidxaʼ.)

Biluíʼ laabe sitiu ca lu diidxaʼ ni riniʼbe. Zanda gúʼndabe stale libru ne folletu lu Internet, casi libru Xipeʼ ndiʼ cusiidiʼ Biblia o tratadu Ñuuláʼdxiluʼ ñánnaluʼ xi riníʼ Biblia de cani huanabadiidxaluʼ la? De racá bixheleʼ ra na «Biindaʼ ni lu» para guyúbiluʼ diidxaʼ riníʼ binni ca.

Bidii gucaadiágabe ti tema lu stiidxabe. Biyubi ti libru o ti revista ni guca grabar ne biʼniʼ invitar laabe gucaadiágabe ti ndaa ni. Pa caziidiluʼ sti diidxaʼ la? zanda guiziidiʼ chaahuiluʼ ni ora gucaadiágaluʼ ca libru ne ca revista ni guca grabar ne chinándaluʼ ni lu guiʼchiʼ. (Guyé ra na «Libru ne revista/Libru ne folletu» o ra na «Libru ne revista/Revista».)

Bisiidiʼ ca binni ni qué runadiaga. Pa guidxélaluʼ ti binni ni qué runadiaga la? biquiiñeʼ ti videu para guluiʼluʼ laabe xiixa capítulo stiʼ Biblia, ti libru, ti folletu o xiixa tratadu lu diidxaʼ seña ni nánnabe. (Guyé ra na «Libru ne revista/Diidxaʼ seña».)

[Foto ni zeeda lu yaza 6]

(Para gúʼyaluʼ ca letra ni zeeda ra rihuinni ximodopeʼ bireeni la? biiyaʼ ni lu libru o revista ra bireeni)

Biiyaʼ pa zanda guʼnuʼ ni

1 Bidii clic ra na para gucaadiágaluʼ xiixa libru o revista lu stiidxaluʼ (pa nuuni), o bidii clic ra na «Modo zanda guindételuʼ cani».

2Para gúʼyaluʼ sitiu riʼ lu sti diidxaʼ, gulí diidxaʼ ca ra na «Biindaʼ ni lu».

3 Bidii clic ra na «Ni zeeda» o lu tobi de ca título ra na «Cani zeeda raríʼ» para gúʼndaluʼ sti tema o sti capítulo.