Zanda iquiiñeluʼ sitiu nápanu lu Internet para gucheecheluʼ diidxaʼ
Biʼniʼ invitar binni gunibiáʼ sitiu ni nápanu. Zándaca nuu binni qué zaná gucaadiaga laanu o qué zaná guiaanané xiixa libru ne revista. Peru zándaca guiníʼ íquecabe jma galán gunibiáʼcabe ca Testigu lu sitiu jw.org ralídxicabe. Nga runi, ora ganda biyubi modo guni invitarluʼ binni gunibiáʼ sitiu ni nápanu lu Internet.
Biquiiñeʼ ni para guicábiluʼ binni. Ora guinabadiidxaʼ tuuxa laanu de ca testigu stiʼ Jiobá, casi ca binni riuulaʼdxiʼ guiziidiʼ jma o tuuxa binni ni runibiaʼnu la? galán iquiiñenu computadora o celular stibe para guicábinu laabe. Peru jma galán iquiiñeluʼ Biblia para gúʼndaluʼ xiixa textu. Pa qué gápabe Internet ora caníʼneluʼ laabe, bisiene laabe ximodo zanda guidxélabe ni racaláʼdxibe gánnabe lu jw.org. Yanna riʼ, lu diidxastiá si ne lu xcaadxi diidxaʼ nuu ni. (Guyé ra na «Enseñanzas bíblicas/Preguntas sobre la Biblia» o ra na «Sobre nosotros/Preguntas frecuentes».)
Biseendaʼ ti tema, ti libru o ti revista ra nuu tuuxa ni runibiaʼluʼ. Lu xiixa correu zanda guseendaluʼ xiixa archivu PDF o EPUB ni gundételuʼ lu sitiu riʼ. Laaca zanda guindételuʼ xiixa libru o revista para gucaadiágaluʼ ne guni grabarluʼ cani lu discu. Ora guseendaluʼ xiixa libru, revista o folletu pur correu ra nuu ti binni ni caʼruʼ chúʼnisa, zanda gucaaluʼ cani lu guiʼchiʼ ra rucaaluʼ hora bicheecheluʼ diidxaʼ pa biseendaluʼ guidubi ti revista o guidubi ti libru. Cadi guiaandaʼ lii gucaaluʼ laluʼ ora guseendaluʼ xiixa libru o revista ra nuu tuuxa binni ne laaca cadi naquiiñeʼ guseendaluʼ stale de laacani tobi si tiru ra nuube. Laaca cadi naquiiñeʼ uguuluʼ ca libru ne ca revista ca lu sti sitiu. (Guyé ra na «Libru ne revista».)
Biluíʼ binni ca noticia jma nacubi. Zacaneni binni ni cayuundaneluʼ Biblia ne ca binni ni rigánnaluʼ gánnacaʼ rucheechenu diidxaʼ lu guidubi naca Guidxilayú ne gúʼyacaʼ nuu ca xpinni Cristu tobi si (Sal. 133:1). Yanna riʼ, lu diidxastiá si ne lu xcaadxi diidxaʼ nuu ni. (Guyé ra na «Noticias».)
[Foto ni zeeda lu yaza 5]
(Para gúʼyaluʼ ca letra ni zeeda ra rihuinni ximodopeʼ bireeni la? biiyaʼ ni lu libru o revista ra bireeni)
Biiyaʼ pa zanda guʼnuʼ ni
1 Lu ndaa ra na «Libru ne revista», gulí tobi de laacani ne bidii clic lu tobi de ca botón ra zanda guindételuʼ cani para gúʼndaluʼ o para gucaadiágaluʼ cani.
2 Lu ndaa ra na «Libru ne revista», gulí tobi de laacani ne bidii clic lu tobi de ca botón ra zanda guindételuʼ cani para gúʼndaluʼ o para gucaadiágaluʼ cani.
3 Ora gudiiluʼ clic lu botón ra na «MP3», zaree ti lista ra zeeda stale tema. Para ganda guindételuʼ ti tema luni, bidii clic lu título stiʼ tema ca, o pa racaláʼdxiluʼ gucaadiágaluʼ ni lu Internet la? bidii clic lu símbolo.