Sitiu nápanu lu Internet zanda gacaneni lii ora gúʼndaluʼ Biblia stúbiluʼ ne ora gúʼndaneluʼ binnilídxiluʼ
Biindaʼ ca revista jma nacubi lu Internet. Zanda gúʼndaluʼ revista Torre stiʼ ni rapa ne ¡Despertad! ni jma nacubi biree dede chupa chonna semana ante chindá cani ra ridagulisaatu. Laaca zuuyaluʼ maʼ guca grabar cani lu diidxastiá ne lu xcaadxi diidxaʼ para gucaadiaga binni cani. (Guyé ra na «Libru ne revista/Revista».)
Biiyaʼ ca tema ni chiguiree lu Internet si. Nuu caadxi tema stiʼ ca revista ca maʼ lu Internet si chiguireecani. Lade cani zeeda ca tema casi «Para ca hombrehuiiniʼ ne ca dxaapahuiiniʼ», «Cani caziideʼ de lu Biblia», ne «Actividades para la familia» ne «Los jóvenes preguntan». Biquiiñeʼ chupa chonna de ca tema riʼ ora gúʼndaluʼ Biblia stúbiluʼ ne ora gúʼndaneluʼ binnilídxiluʼ. Yanna lu diidxastiá si ne lu xcaadxi diidxaʼ si nuuni. (Guyé ra na «Enseñanzas bíblicas/Niños» o ra na «Enseñanzas bíblicas/Jóvenes».)
Ca noticia jma nacubi. Zabeenduluʼ ni galán ra gánnaluʼ de ca cosa sicarú ni cazaaca ca xpinni Cristu ne biiyaʼ ca videoclip ni cusihuinni ximodo caroobaʼ dxiiñaʼ riʼ stale de ca lugar ni nuu lu Guidxilayú. Ca noticia ni cuzeeteʼ de xiixa desgracia ni cazaaca ne ni cuzeeteʼ canazánandacabe ca xpinni Cristu, zacanécani lii gánnaluʼ xipeʼ guinábaluʼ ora guni orarluʼ pur ca xpinni Cristu (Sant. 5:16). Ca noticia ca nuu cani lu diidxastiá ne lu xcaadxi diidxaʼ. (Guyé ra na «Noticias».)
Biquiiñeʼ Biblioteca ni nuu lu Internet. Pa nuu Biblioteca riʼ lu stiidxaluʼ la? zanda iquiiñeluʼ ti computadora o celular stiluʼ para gúʼndaluʼ textu ni riuundaʼ guiráʼ dxi o guyúbiluʼ chupa chonna de ca libru ne ca revista ni jma nacubi biree. (Guyé ra na «Libru ne revista/Biblioteca ni nuu lu Internet» o bicaa www.wol.jw.org.)
[Foto ni zeeda lu yaza 4]
(Para gúʼyaluʼ ca letra ni zeeda ra rihuinni ximodopeʼ bireeni la? biiyaʼ ni lu libru o revista ra bireeni)
Biiyaʼ pa zanda guʼnuʼ ni
1 Ora gudiiluʼ clic lu ti dibuju o lu ti vínculo zahuinni tema ca lu PDF. Biʼniʼ imprimir ni ne biʼniné ca xiiñiluʼ ni canabaʼ ni gaca.
2 Bidii clic ra nuu ti símbolo ni na reproducir para gúʼyaluʼ ti videoclip.