Cani chitiidiʼ lu guendaridagulisaa stiʼ dxiiñaʼ stinu

Semana 8 stiʼ septiembre

Diidxaʼ riuundaʼ 204

10 min. Cani chiguieeteʼ stiʼ ca binni ridagulisaa. Gunabadiidxaʼ cani cucaadiaga xi tema zeeda lu ca revista ca huayuulaʼdxiʼ binni ni nuu neza ra rucheechenu diidxaʼ. Gudxi laacabe guiníʼcabe xi huanabadiidxacabe binni ne xi textu huaquiiñecabe para gusaanacabe ca revista ca. Bitiidiʼ ximodo zanda gusaananu cada tobi de ca revista ca.

15 min. Ximodo zanda gacanenu ni cayúʼndanenu ca ti ganna gusiidiʼ chaahuiʼ Stiidxaʼ Dios. Libana ni zeeda lu Torre stiʼ ni rapa 1 stiʼ febrero 2007 yaza 15 ne 16, párrafo 14-20. Tiidiʼ tobi ni rucheeche diidxaʼ para guluíʼ binni ni cayuundané Biblia ximodo ridiʼdiʼ ti libana para guiráʼ binni ne gábibe laa ximodo riuundaʼ revista Torre stiʼ ni rapa ne xi zanda gábibe laa para cheʼ ca guendaridagulisaa ca.

20 min. Xi gúninu ora qué naʼ binni gucaadiaga laanu ora maʼ zigucheechenu diidxaʼ. Libana ni gudii ti binnigola, zanda iquiiñebe cani zeeda lu ca libru ne ca revista ra caníʼ xi huayuni caadxi Testigu ora qué riná binni gucaadiaga laacaʼ. Bisiene xi zanda gúninu para gucaadiaga binni laanu. Nuu tiru ora guuyaʼ binni modo nácanu ralídxinu ne ora maʼ zigucheechenu diidxaʼ rucaani laacaʼ guchaacaʼ modo riníʼ íquecaʼ de laanu ne zacá maʼ ziuuláʼdxicaʼ guiziidicaʼ de Dios. Nga runi, nabé riquiiñeʼ guuyaʼ chaahuinu xi rininu ne xi rúninu (1 Ped. 2:12; 3:1, 2). Guníʼ chupa o chonna de cani bizaaca ca bíʼchinu ne ca bizáʼnanu ra guihuinni xi bínicabe para bicaadiaga binni laacabe ora bicheechecabe diidxaʼ, o guníʼ de cani zeeda lu ca revista stinu.

Diidxaʼ riuundaʼ 127

Semana 15 stiʼ septiembre

Diidxaʼ riuundaʼ 94

8 min. Cani chiguieeteʼ stiʼ ca binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu.

10 min. «Cadi gusaananu de gudiʼnu pabiáʼ dxiiñaʼ bíninu guiráʼ beeu.» Ora gúʼndaluʼ párrafo 2 ca la? gunabaʼ cani cucaadiaga guiniʼcaʼ xi zanda gúnicaʼ para gacanecaʼ chuʼ ca guiʼchiʼ ni rudiʼnu guiráʼ beeu ca listu casi guiluxe beeu.

15 min. Ximodo bíninu dxiiñaʼ iza gudiʼdiʼ ca. Libana ra zanda guicabi cani cucaadiaga ni gutiidiʼ binnigola ni ruuyaʼ modo rireeche diidxaʼ o sti binnigola ni zanda gúnini. Bizeeteʼ pabiáʼ dxiiñaʼ biʼniʼ ca binni ridagulisaa iza gudiʼdiʼ ca ne jma guzeeteluʼ de ni guleendúcabe. Despué de uguuluʼ gana laacabe la? dede ante gunabaʼ tobi o chupa de cani rucheeche diidxaʼ para guiniʼcaʼ xi guleenducaʼ lu dxiiñaʼ bíʼnicaʼ. Bizeeteʼ tobi o chupa cosa ni naquiiñeʼ gúnitu lu iza riʼ ne guníʼ ximodo zanda gácani.

12 min. Ximodo zanda gusiéneluʼ binni nuu ti Dios ni bizáʼ laanu. Libana ni zeeda ndaaniʼ ca libru ne ca revista stinu. Gunabaʼ cani cucaadiaga guiniʼcaʼ ximodo huasiénecaʼ nuu ti Dios ni bizáʼ laanu ora maʼ nuucaʼ ra scuela, ra dxiiñaʼ ne xcaadxi lugar. Dede ante biyubi tobi o chupa de ca xpinni Cristu para guiniʼcaʼ de laani.

Diidxaʼ riuundaʼ 51

Semana 22 stiʼ septiembre

Diidxaʼ riuundaʼ 104

10 min. Cani chiguieeteʼ stiʼ ca binni ridagulisaa. Biindaʼ guiʼchiʼ ra cá pagala nápatu ne ca guiʼchiʼ ra cá pagala biseendatu Betel. Biindané laacabe carta ni biseendaʼ Betel ni zeeda lu primé yaza.

20 min. Riguu ndaayaʼ Jiobá laanu pur ni gúninu. Libana ni zeeda lu La Atalaya 15 stiʼ abril 2005, yaza 28 párrafo 6 dede yaza 29. Gunabadiidxaʼ tobi o chupa de cani rucheeche diidxaʼ para guiniʼcaʼ ximodo gucané Jiobá laacaʼ para gápacaʼ ni caquiiñecaʼ o para guni sentircaʼ galán.

15 min. Chuʼnu listu para gusaananu revista Torre stiʼ ni rapa octubre-diciembre ne ¡Despertad! stiʼ octubre. Despué de guiniʼluʼ cani zeeda lu ca revista ca la? gunabadiidxaʼ cani cucaadiaga guiniʼcaʼ xi tema stícani jma ziuulaʼdxiʼ binni ni nuu neza ra rucheechenu diidxaʼ. Xi zanda guinabadiidxanu binni ne xi textu zanda iquiiñenu para gusaananu ca revista ca. Bitiidiʼ ximodo zanda gusaananu ca revista ca casi modo zeeda lu Xhiiñaʼ Reinu ni Rúninu. Gunabaʼ ti binnigola chuʼ listu para guluíʼ ximodo zanda iquiiñeʼ ti tema ni rábibe ziuulaʼdxiʼ ca binni ni nuu neza ra rucheechebe diidxaʼ.

Diidxaʼ riuundaʼ 190

Semana 29 stiʼ septiembre

Diidxaʼ riuundaʼ 45

10 min. Cani chiguieeteʼ stiʼ ca binni ridagulisaa. Bisietenalaʼdxiʼ cani rucheeche diidxaʼ gudiicaʼ pabiáʼ dxiiñaʼ bíʼnicaʼ lu beeu septiembre. Dede ante biyubi tobi o chupa ni rucheeche diidxaʼ para guiniʼcaʼ ximodo bicheechecaʼ diidxaʼ ora zécabe guendaridagulisaa de chonna gubidxa, ora yezacaʼ o ni bizaacacaʼ ca beeu gudiʼdiʼ ca.

15 min. Cani chiguieeteʼ stiʼ ca binni ridagulisaa.

20 min. «¡Chigusaananenu binni ti tratadu cubi! Dede 20 stiʼ octubre hasta 16 stiʼ noviembre.»a Lagudii ti tratadu riʼ cada tobi de cani cucaadiaga, pa maʼ nápatu ni. Lu párrafo 2 ca guníʼ xidé caníʼ tratadu ca. Lu párrafo 4 biluíʼ ximodo zanda gusaananenu ni binni. Ra guidxíñanu lu párrafo 5 bitiidiʼ tobi de cani rucheeche diidxaʼ para guluíʼ ximodo zanda iquiiñenu ni para guzulú gúʼndanenu binni ora guibiguétanu ra nuu sti biaje.

Diidxaʼ riuundaʼ 9

Semana 6 stiʼ octubre

Diidxaʼ riuundaʼ 15

10 min. Cani chiguieeteʼ stiʼ ca binni ridagulisaa

15 min. Ndaa ra rinabadiidxaʼ. Zanda guicabi cani cucaadiaga. Zanda guiniʼluʼ caadxi de ni zeeda lu La Atalaya 15 stiʼ junio 2005, yaza 20 dede 22, párrafo 10 dede 16.

20 min. «Bisiidiʼ binni gannaxhii Jiobá.»b Pa gudii tiempu la? gunabaʼ cani cucaadiaga gúʼndacaʼ ne guiniʼcaʼ xiná ca textu ni zeeda lu guiʼchiʼ riʼ.

Diidxaʼ riuundaʼ 132

[Ni cá ñee yaza]