Ndaa ra rinabadiidxaʼ

◼ Xi gúninu pa chuʼ tu guni mandar laanu cadi gucheechenu diidxaʼ

Huayuu puliciá ni huayabi ca xpinni Cristu maʼ cadi gucheecherucaʼ diidxaʼ, purtiʼ nacaʼ nuu ti ley ni caníʼ cadi gácani. Ora guizaaca ndiʼ la? jma jneza guireʼnu de raqué nagueendaca ne gúninu ni ne respetu (Mat. 5:41; Fili. 4:5). Cadi gacaláʼdxiluʼ guni chaahuiluʼ guendanagana ca stúbiluʼ ne cadi guzulú tindediidxaluʼ para guluiʼluʼ laacabe napuʼ derechu. Pa ganda la? biiyaʼ xi númeru de placa stiʼ puliciá ca ne númeru stiʼ comandancia ra rúnibe dxiiñaʼ, peru biʼniʼ ni sin gudiibe cuenta. De racá guyé ra nuu ca binnigola nagueendaca ne gudxi laacaʼ xi bizaaca, maʼ laacaʼ guiníʼnecaʼ Grupu de binnigola ni racané xquidxi Jiobá ora rapa guendanagana ne ley (Comité de Asuntos Legales) ni nuu jma gaxha o guiniʼcaʼ Betel. Yanna, xi guʼnuʼ pa tuuxa ni rapa ranuu ca yoo ra ruquixe binni gabi lii maʼ cadi gucheecheluʼ diidxaʼ raqué yaʼ. Laaca naquiiñeʼ guireeluʼ nagueendaca de raqué ne gudxi ni ca binnigola. Pa gácanu nadóʼ ne ca binni ni runi mandar ca la? qué zápanu guendanagana ne laacabe (Pro. 15:1; Rom. 12:18).