Nagueendaca guireʼnu chigucheechenu diidxaʼ

Ora maʼ nuunu né ca xpinni Cristu lu guendaridagulisaa ni raca ante chigucheechenu diidxaʼ, nabé nga riuuláʼdxinu güínenu laacaʼ diidxaʼ. Peru ora guiluxe guendaridagulisaa riʼ, naquiiñeʼ guireʼnu nagueendaca para chuunu lu territorio purtiʼ dxiiñaʼ ni cayúninu de guireeche diidxaʼ naquiiñeʼ gaca ni nagueenda (2 Tim. 4:2). Pa guindaa para guireʼnu la? maʼ qué zápanu tiempu para gucheechenu diidxaʼ. Peru ni dxandíʼ nga jma zanda güínenu xcompañérunu diidxaʼ ora maʼ ziuunu neza para gucheechenu diidxaʼ. Pa guiaʼnu guireʼnu nagueendaca para gucheechenu diidxaʼ la? zusihuínninu rúninu dxiiñaʼ jneza ne laaca zusihuínninu nácanu esclavu stiʼ Jiobá ne Jesucristu (Rom. 12:11).