Guininenu guiráʼ binni stiidxaʼ Dios

1. Xiñee zanda guininu zeeda gaca cani rucheeche diidxaʼ casi ti artesanu ni runi xhiiñaʼ jneza.

¹ Ti artesanu ni runi xhiiñaʼ jneza napa guiráʼ clase herramienta, ne nanna pora zanda iquiiñeʼ cada tobi de laacani ne ximodo. Laanu laaca nápanu stale libru, revista, folletu ne xcaadxi guiʼchiʼ ni zeeda gaca casi herramienta, laacani racanécani laanu gucheechenu ca diidxaʼ nacubi ne galán. Nga runi, para gucheechenu diidxaʼ «lade irá» binni, nápanu guiráʼ clase folletu ni zanda gacané laanu (1 Cor. 9:22). Lu ni rizaané Xhiiñaʼ Reinu ni Rúninu riʼ zeeda ca folletu ni nápanu, luni zeeda tu para guca cada tobi de laacani ne ximodo zanda gusaananenu cani binni ni nabeza neza ra rucheechenu diidxaʼ.

2. Pora nga zanda gusaananenu binni xiixa folletu.

² Pora zanda iquiiñenu ca folletu ni nápanu. Ti artesanu ni runi xhiiñaʼ jneza nanna xi herramienta iquiiñeʼ lu cada cosa chiguni. Zacaca nga naquiiñeʼ gúninu, pa guidúʼyanu jma jneza gusaananenu binni ti folletu la? zanda gusaananu ni neca cadi laani nga ni cusaananenu binni beeu ca. Casi pa cusaananenu binni libru Xipeʼ ndiʼ cusiidiʼ Biblia beeu ca, peru caninenu tuuxa ni qué runi cré Cristu ne qué riuulaʼdxiʼ guiziidiʼ de Biblia la? zándaca jma galán gusaananenu laabe xiixa folletu ne gacanenu laabe chuuláʼdxibe guiziidibe jma, ne despué maʼ zanda gusaananenu laabe libru ca.

3. Xiñee galán gánnanu iquiiñenu cani zeeda gaca casi herramienta ni nápanu para gucheechenu diidxaʼ.

³ Stiidxaʼ Dios nabé rusisaca ca binni ni runi xhiiñaʼ jneza (Pro. 22:29). Nanna dxíchinu gastiʼ sti dxiiñaʼ ni jma risaca que gucheechenu ca diidxaʼ nacubi ne galán stiʼ Reinu stiʼ Dios (Rom. 15:16). Para ganda gácaluʼ ti binni runi xhiiñaʼ jneza ni «qué gap[a] xi pur ituí lú» la? napa xidé gánnaluʼ iquiiñeluʼ cani zeeda gaca casi herramienta ni nápanu para gucheechenu diidxaʼ (2 Tim. 2:15).