«Modo zanda gusaananu revista lu...»

Guiráʼ beeu, de lade ca ndaa ni ridiʼdiʼ lu Guendaridagulisaa stiʼ Dxiiñaʼ Stinu ridiʼdiʼ ti ndaa ra rusiénecabe ximodo zanda gusaananenu binni revista. Ndaa ca cadi gúcani para guzeetecabe guiráʼ xixé ni zeeda lu ca revista ca, sínuque para guluíʼcabe laanu xi guiráʼ modo zanda gusaananenu cani binni. Ra zeeda ximodo naquiiñeʼ gutiidiʼ ti xpinni Cristu ndaa riʼ cayeeteʼ ruzulúnebe chupa chonna si diidxaʼ ne riniʼbe diidxaʼ ni uguu gana cani cucaadiaga. De racá rinábabe cani cucaadiaga guiniʼcaʼ ximodo rábicaʼ guiníʼnecaʼ binni de xiixa tema o de ca tema ni zeeda lu ca primé yaza stícani. Rácani zacá para ganda gúʼyacabe lu tobi si tema ne maca zigucaacabe ximodo rábicabe zanda guiniʼnécabe binni. Xpinni Cristu ni rutiidiʼ ndaa ca qué rinábabe cani cucaadiaga guiniʼcaʼ guiráʼ xixé ni riniʼcaʼ ora rusaananecaʼ binni revista, sínuque rinábabe laacaʼ guiniʼcaʼ xi zanda guinabadiidxacaʼ binni ti chuulaʼdxiʼ guiziidiʼ de Dios ne xi textu zanda iquiiñecaʼ. Ora maʼ chiguiluxe gutiidibe ndaa riʼ rutiidibe ximodo zanda gusaananenu binni cada tobi de ca revista ca. Rinábabe cani cucaadiaga gúʼndacaʼ ca revista ca dede ante checaʼ guendaridagulisaa ti ganda guiniʼcaʼ ximodo caníʼ íquecaʼ gusaananecaʼ cani binni. Pa guiráʼ cani ridagulisaa gúʼndacaʼ ca revista ca dede ante la? cada tobi de laacaʼ zúnicaʼ ni na textu riʼ: «Rusiaaniʼ ti hombre xquendabiaaniʼ sti hombre» (Prov. 27:17).