Cani chiguieeteʼ

◼ Cani zanda gusaananenu binni lu beeu marzo ne abril: Torre stiʼ ni rapa ne ¡Despertad! Ora chigánnanu binni sti biaje, galán gusaananenu laa libru Xipeʼ ndiʼ cusiidiʼ Biblia o zanda gusaananenu laabe folletu Bicaadiaga Dios o ni láʼ Bicaadiaga Dios ne qué ziuu dxi gátiluʼ, pa nga nga ni caquiiñebe, ne biʼniʼ stipa pur guzulú gúʼndaneluʼ binni ca. Mayo ne junio: biquiiñeʼ tobi de ca tratadu riʼ: Bibaniné binnilídxiluʼ nayecheʼ, Guendanabani ndaaniʼ ti guidxilayú cubi nuu dxi, Mayaca guiree guiráʼ yuubaʼ, Ñuuláʼdxiluʼ ñánnaluʼ xi riníʼ Biblia de cani huanabadiidxaluʼ la?, Tuu nga Jesucristu, Tuu nga Jiobá. Pa gúʼyaluʼ riuulaʼdxiʼ binni ca ganna jma, biluíʼ laabe ximodo rusíʼdinu binni né libru Xipeʼ ndiʼ cusiidiʼ Biblia o biquiiñeʼ ca folletu Bicaadiaga Dios o ni láʼ Bicaadiaga Dios ne qué ziuu dxi gátiluʼ.

◼ Zietenaláʼdxinu guendaguti stiʼ Cristu martes 26 stiʼ marzo 2013. Pa ridagulisaatu martes la? naquiiñeʼ guchaatu ni sti dxi ndaaniʼ semana ca. Peru pa qué zanda guchaatu guendaridagulisaa ca, ne pur laani maʼ qué ganda gápatu Guendaridagulisaa stiʼ Dxiiñaʼ Stinu la? binnigola ni ruuyaʼ dxiiñaʼ ni runi grupu de binnigola zanda guzeeteʼ cani jma naquiiñeʼ ganna ca binni ridagulisaa ni nidiʼdiʼ semana ca lu sti Guendaridagulisaa stiʼ Dxiiñaʼ Stinu para ganda guiuundaʼ ni beeu ca. Pa chiganna binnigola ni riganna ca neza binni ridagulisaa laatu semana ca la? galán cuitu sti dxi ndaaniʼ semana ca para gápatu guendaridagulisaa ni ñápatu martes.