Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ abril

«Canagánnadu binni para guni invitardu laacaʼ gúʼndacaʼ Biblia, peru stale binni huayabi laadu raca nagana para laacaʼ guiénecaʼ ni. Peru lii xi rábiluʼ, ñee dxandíʼ nga nagana para guiénenu ni la? [Guleza guicábibe.] Biiyaʼ guʼyuʼ xiná raríʼ.» Biluíʼ laabe tema ni zeeda lu últimu yaza stiʼ revista Torre stiʼ ni rapa 1 stiʼ abril, biindané laabe ni cusiene primé guendarinabadiidxaʼ stini ne biindané laabe neca ti textu zeeda luni. Bisaanané ni laabe ne gudxi laabe padxí tiidiluʼ sti biaje para gúʼndaneluʼ laabe sti guendarinabadiidxaʼ zeeda luni.

Torre sti’ ni rapa 1 stiʼ abril

«Cumu nabé stale guendanagana cadxaagalú binni yanna la? nuu tu rinabadiidxaʼ pa zanda guibáninu galán ne chuʼnu nayecheʼ. Gunáʼ nga rábiluʼ ni jma rucueeza laanu para cadi guibáninu galán ne chuʼnu nayecheʼ. [Guleza guicábibe.] Biblia cayabi laanu maʼ cadi candaa zabee Dios guiráʼ guendanagana stinu [biindaʼ Apocalipsis 21:4]. Revista riʼ cusiene ximodo chiguibani binni ne xi naquiiñeʼ gúninu para guibáninu galán dede yanna.»

¡Despertad! Abril

«Lu guidubi naca guidxilayú nabé rihuinni riguiñe binni xheelaʼ. Nuu tu na rúnicabe zacá pur modo biniisicabe, costumbre stiʼ xquídxicabe ne pur ruuyacabe ra cadinde binni. Peru gunáʼ nga rábiluʼ ni jma gucaa ca guendaxheelaʼ ca tíndecaʼ. [Guleza guicábibe.] Racalaʼdxeʼ gulueeʼ lii ximodo na Biblia zanda guibani ca guendaxheelaʼ ca galán [biindaʼ Efesios 5:33]. Lu revista riʼ zeeda caadxi conseju ni rudii Biblia ni huayacané binni ti cadi guilaa xquendaxheelaʼ.»