Ziuulaʼdxiʼ binni modo guyáʼ ca tratadu cubi
1. Gunáʼ nga ca guiʼchiʼ nacubi nápanu para gucheechenenu diidxaʼ.
1 Lu Guendaridagulisaa de Chonna Gubidxa stiʼ ca testigu stiʼ Jiobá 2013, ni biree lá tema stiʼ «Dxandíʼ Stiidxaʼ Dios», biree gaayuʼ tratadu cubi ne lade cani laaca guyuu sti tratadu Ca diidxaʼ nacubi stiʼ Reinu númeru 38, ni láʼ Ñee zanda guibani ca binni ni maʼ guti sti biaje la? Maʼ gadxé modo guyáʼ ca tratadu riʼ ne ziuulaʼdxiʼ binni cani. Xiñee gadxé modo guyáʼ cani. Ximodo zacané cani zeeda lúcani laanu para iquiiñenu cani jneza ora gusaananenu cani binni yaʼ.
2. Ximodo zacané modo guyáʼ ca tratadu ca laanu.
2 Xiñee maʼ gadxé modo guyáʼ cani. Nuu tapa cosa ni nabé rinándanu para gucheechenu diidxaʼ jma jneza de yoo pur yoo: 1) Guinabadiidxanu binni xiixa ti ganda guinínenu laa diidxaʼ, 2) guluinu laacabe xiná Biblia, 3) gusaananenu laacabe xiixa libru o revista para gúʼndacabe ne 4) guinabadiidxanu laabe xiixa ni guicábinu ora chigánnanu laabe sti biaje ne guinabadiidxanu laabe xi dxi zanda guibiguétanu. Ne modo guyáʼ ca tratadu ca zacanécani laanu chinándanu guidapaʼ modo bizéʼtenu ca.
3. Ximodo zanda gusaananenu binni ca tratadu cubi ca ora gucheechenu diidxaʼ.
3 Modo zanda iquiiñenu cani. Ugapadiúxisinu binni zanda 1) guluinu laabe guendarinabadiidxaʼ ni zucaa laabe cuibe xi guicábibe ni zeeda lu primé yaza stiʼ tratadu ca ne gábinu laabe xi riníʼ íquebe, 2) guxhélenu tratadu ca ne güínenu laabe de ni zeeda ra na «Xiná Biblia», de racá guxhélenu Biblia para gúʼndanenu laabe textu zeeda luni pa gúʼyaluʼ zanda gúniluʼ ni, ne pa napa binni ca tiempu la? zanda gúʼndaneluʼ laabe cani zeeda ra na «Ximodo zacané nga laanu», 3) gusaananenu laabe tratadu ca ne gábinu laabe zanda gúʼndabe ni ora gápabe tiempu, 4) ante chuunu, guluinu laabe guendarinabadiidxaʼ zeeda ra riluxe yaza ra na «Guníʼ ique» ne gábinu laabe xi dxi zanda guibiguétanu para guicábinu laabe ni gunabadiidxanu ca né Biblia.
4. Xi zanda guininu ora guibiguétanu chigánnanu ca binni ni riuulaʼdxiʼ guiziidiʼ de Dios.
4 Ne cadi nagana diʼ zaca para laanu gánnanu xi guininu ora chigánnanu binni sti biaje. Ni naquiiñeʼ si gúninu nga guxhélenu ca textu ni zeeda lu últimu yaza stiʼ tratadu ca para guicábinu ni gunabadiidxanu laabe últimu biaje yegánnanu laabe ne guluinu laabe foto stiʼ folletu ni láʼ Ca diidxaʼ sicarú ni zeeda de Dios ni cá lu tratadu ca. De racá zanda guluinu laabe folletu ca ne ndaa ra jma cusiene de tema ni caninenu laabe ca ne gusaananenu ni laabe. Pa guicaabe ni la? guiaananenu laabe padxí zanda guibiguétanu para guidúʼndanenu ni laabe. Zacá nga ruzulú ridúʼndanenu binni Biblia. O lugar de gusaananenu binni folletu ca, zanda gusaananenu laabe sti tratadu ne guiaananenu laabe guibiguétanu sti biaje para guidúʼndanenu ni laabe.
5. Xiñee zanda iquiiñenu ca tratadu ca ora gucheechenu diidxaʼ.
5 Maʼ zinenu jma de ti gayuaa treinta iza de caquiiñenu ca tratadu ca ora rucheechenu diidxaʼ. Neca gadxé gadxé modo huaree cani, peru nabé huayacanécani laanu para gucheechenu diidxaʼ jneza. Modo guyáʼ ca tratadu cubi ca zacanécani laanu gusíʼdinu binni de Dios, nga runi cadi gusaananu de iquiiñenu cani para gucheechenu diidxaʼ lu guidubi naca Guidxilayú (Prov. 15:7a).