Ti videu cubi ni zacané laanu guzulú guidúʼndanenu binni Biblia

Stale binni maʼ biiyacaʼ lu sitiu jw.org/zai videuhuiiniʼ ni láʼ Xiñee naquiiñeʼ gúʼndaluʼ Biblia. Guca ni para gucaani binni chuuláʼdxicaʼ guiziidicaʼ de Biblia sin quíxecaʼ. Zanda gúʼyacabe ni pa gudiicabe clic ra na «Gunabaʼ gusiidicabe lii de Biblia», ni cá ñee yaza stiʼ sitiu ca, o guni escaneárcabe códigu QR ni cá lu últimu yaza stiʼ ca tratadu cubi. Raríʼ zeeda caadxi modo zanda iquiiñenu videuhuiiniʼ riʼ:

• Ora chigánnanu binni zanda guininu: «Ñee zanda guluéʼ lii ti videuhuiiniʼ ni cusiene ximodo ricabi Biblia cani rinabadiidxanu la?». Pa gudiibe lugar laanu la? guluinu ni laabe lu tableta o lu celular stinu o lu computadora stibe.

• Pa gusaananenu binni tobi de ca tratadu cubi ca ra tiica nuunu o ca lugar ra nuu stale binni la? zanda guluinu laabe códigu QR ca ne gábinu laabe zanda guni escanearbe ni né celular o tableta stibe. O laaca zanda guluinu laabe videuhuiiniʼ ca lu celular stinu o lu tableta purtiʼ códigu QR ca ruseendaʼ ni laanu lu Internet ra nuu videuhuiiniʼ ca, ne nuuni lu stale diidxaʼ.

• Sti modo zanda gúninu ni nga güínenu cani runinenu dxiiñaʼ, cani rinenu scuela, ca binnilídxinu o tuuxa runibiaʼnu de videhuiiniʼ ca ne guluinu ni laacabe. Laaca zanda guséʼndanu ti link ra nuucabe pur correu electrónicu ne gábinu laacabe gúʼyacabe videuhuiiniʼ ca.

Pa iquiiñenu videuhuiiniʼ riʼ jneza la? zanda guzulunu guidúʼndanenu binni Biblia ne zanda gacanenu «cani ma nexhe icaa enda nabani ni qué zaluxe» (Hech. 13:48).