Nexheʼ chaahuiʼ modo rucheeche ca testigu stiʼ Jiobá diidxaʼ
Laanu, ca testigu stiʼ Jiobá, maʼ zinenu jma de ti gayuaa iza de cucheechenu ca diidxaʼ nacubi ne galán stiʼ Dios casi modo naguíxhebe. Qué huayuu dxi gaca dxiiñaʼ riʼ lu stale diidxaʼ biaʼ cayácani yanna, nga runi stale binni cayunibiáʼ Jiobá purtiʼ cayácani lu jma de chupa gayuaa treinta guidxi roʼ (Mat. 24:14). Peru xiñee caquiiñeʼ gaca dxiiñaʼ riʼ yaʼ. Ximodo cayanda cayácani lu guidubi naca Guidxilayú. Videu ni láʼ Los testigos de Jehová: organizados para predicar las buenas nuevas cacábini cani gunabadiidxanu riʼ ne culuiʼni laanu guiráʼ dxiiñaʼ raca lu guidubi naca Guidxilayú para guiziidiʼ binni de Dios. Ora gúʼyaluʼ videu ca, biʼniʼ stipa pur guicábiluʼ ca guendarinabadiidxaʼ riʼ.
Ximodo gucané videu riʼ lii para gusisácaluʼ: 1) stipa ni cayuni xquidxi Jiobá para guireeche diidxaʼ (2 Tim. 4:2), 2) dxiiñaʼ ni runi guiráʼ ca binni ni nuu ndaaniʼ ca yoo Betel ni nuu lu guidubi naca Guidxilayú, 3) modo cusiidiʼ xquidxi Dios ca misioneru ne ca binnigola ni riganna ca neza binni ridagulisaa (2 Tim. 2:2), 4) siadoʼroʼ gúʼndaluʼ textu guiráʼ dxi ne gúʼndaluʼ dede ante cani chitiidiʼ lu ca guendaridagulisaa ni rápanu guiráʼ semana (Hech. 17:11), 5) cani ribeenduluʼ ora cheluʼ ca guendaridagulisaa ni rápanu (Heb. 10:24, 25), 6) ca ndaayaʼ ni zacaaluʼ ora gaca Guidxilayú riʼ ti paraísu (Isa. 11:9), 7) dxiiñaʼ ni nápaluʼ para gusiidiluʼ binni (Juan 4:35).
Nabé galán videu riʼ, purtiʼ huayacaneni binni ni riuulaʼdxiʼ guiziidiʼ de Dios ganna chaahuicaʼ xi dxiiñaʼ runi ca testigu stiʼ Jiobá lu guidubi naca Guidxilayú. 8) Pora nga rábiluʼ jma galán gúʼyaneluʼ ni cani ruundaneluʼ Biblia, ca binnilídxiluʼ ne ca binni ni runibiaʼluʼ. 9) Ximodo huayuni sentir ca binni ni huayuuyaʼ videu riʼ.
Ora guiníʼ íquenu de ca cosa ni cayuni Jiobá yanna, laaca rininu ca diidxaʼ ni bicaa salmista que ora guníʼ: «Stale cosa sicarú nga ni maʼ bíʼniluʼ para laadu, Jiobá, Dios stinneʼ, nabé nga riníʼ íqueluʼ laadu; guirutiʼ zanda guchaagadu lii» (Sal. 40:5). Iquiiñenu videu riʼ biaʼ gándatiʼ para gacanenu xcaadxi binni guni respetarcaʼ Jiobá ne xquidxi.