Modo bisihuinni ca testigu stiʼ Jiobá naroʼbaʼ fe sticaʼ. Guiropa ndaa: Bisihuínnicabe biaaniʼ stícabe
Ora biree xpinni Cristu ni láʼ Rutherford ne ca xcompañeru de ndaaniʼ lidxi guiibaʼ lu iza 1919, ca Binni Ruundaʼ Biblia gupa xidé bizulucaʼ ti dxiiñaʼ nabé naroʼbaʼ. Lu DVD ni láʼ Los testigos de Jehová: una historia de fe viva. Parte 2: Dejan brillar su luz rihuinni modo bicaalú ca xhenemígucabe laacabe, modo beeda guiénecabe cani cá lu Stiidxaʼ Dios ne modo biguidxi fe stícabe (Pro. 4:18; Mal. 3:1-3; Juan 15:20). Ora maʼ biiyaluʼ DVD riʼ, zanda guicábiluʼ ca guendarinabadiidxaʼ ni zeeda raríʼ.
1) Xi guiráʼ biʼniʼ ca Binni Ruundaʼ Biblia para gunda bicheechecaʼ diidxaʼ. 2) Xi bizaaca lu ca guendaridagulisaa naroʼbaʼ ni guca lu iza 1931 ne 1935. 3) Xiñee nabé risaca ni bieeteʼ lu revista La Atalaya 1 stiʼ noviembre 1939 ni biree lu diidxaʼ inglés. 4) Bizeeteʼ xi bizaaca lugar ni láʼ Madison Square Garden ora cudii Rutherford, ti xpinni Cristu, libana ni láʼ «Gobierno y paz». 5) Xiñee nabé risaca libana ni láʼ «Paz... ¿será duradera?» ni bidii ti xpinni Cristu láʼ Knorr. 6) Xi biʼniʼ ca testigu stiʼ Jiobá lu iza 1942 para gunda bicheechecaʼ diidxaʼ jma. 7) Bizeeteʼ xi guendanagana gúpacabe para guyécabe nezalú juez ndaaniʼ guidxi Estados Unidos, Canadá ne Grecia. 8) Ximodo gucané Scuela stiʼ Galaad para gunda bireeche diidxaʼ jma. 9) Xi dxiiñaʼ nabé risaca bizulú biʼniʼ ca testigu stiʼ Jiobá lu iza 1946, ne xiñee. 10) Xi biʼniʼ ca testigu stiʼ Jiobá para gunda bibánicaʼ modo riulaʼdxiʼ Dios. 11) Bizeeteʼ chupa chonna cosa bichaa dede lu iza 1970 para ganda chinanda xquidxi Dios ni na Biblia. 12) Ximodo gucané DVD riʼ lii para gunda biene chaahuiluʼ Jiobá nga culuíʼ ca xpinni xi naquiiñeʼ gúnicaʼ ne ndiʼ nga xquídxibe. 13) Ximodo gucané DVD riʼ lii ti ganda gucheecheluʼ diidxaʼ né stale gana, neca guidxaagaluluʼ guendanagana. 14) Ximodo zanda iquiiñeluʼ DVD riʼ para gacaneluʼ ca binnilídxiluʼ, cani ruundaneluʼ Biblia ne xcaadxi binni.
Guiráʼ dxi cacá xiixa cosa nacubi lu historia stiʼ ca testigu stiʼ Jiobá. Yanna, xi guicá lu historia ca de stipa ni cayúninu para gucheechenu diidxaʼ yaʼ. Galán chinánndanu ejemplu stiʼ ca xpinni Cristu ni bibani dxiqué, ne guyúbinu modo guihuinni «biaani» stinu (2 Cor. 4:6).