¿Xi zanda guizíʼdinu de ca hermanu ni maʼ huaniisi?

Zándaca ndaaniʼ congregación stiluʼ nuu hermanu ni maʼ xadxí de cayuni xhiiñaʼ Jehová. Zanda guizíʼdinu stale de laacabe pur confianza ni nápacabe Jehová. Laaca zanda guinábanu laacabe güinécabe laanu ximodo guca xquidxi Jehová dxiqué ne xi guendanagana huayacané Jehová laacabe tídicabe. Laaca galán pa guni invitarnu ca hermanu riʼ ora gápanu adoración en familia para güínecaʼ laanu experiencia sticaʼ.

Pa lii nga tobi de ca ni ziné stale iza de cayuni ni ná Jehová, biʼniʼ stipa gábiluʼ ca ni nahuiiniʼ ximodo huayacané Jehová lii. Casi Jacob ne José la? gúdxicaʼ ca xiiñicaʼ xi guiráʼ biʼniʼ Jehová pur laacaʼ (Gé 48:21, 22; 50:24, 25). Despué, gunabaʼ Jehová ca israelita gábicaʼ ca xiiñicaʼ guiráʼ modo huaquiiñeʼ Jehová poder stiʼ para gacané laacaʼ (Dt 4:9, 10; Sl 78:4-7). Ca dxi nabáninu riʼ, ca ni napa xiiñiʼ ne ca hermanu huaniisi laaca zanda gábicaʼ ca joven xi guirá cosa galán huayuni Jehová pur mediu de xquidxi.

DESPUÉ DE GÚʼYALUʼ VIDEU NI LÁʼ GUYUʼDUʼ TOBI SI NECA GUZANÁNDACABE LAADU, ZANDA GUICÁBILUʼ CA PREGUNTA RIʼ:

• ¿Ximodo gucané sucursal de Austria ca hermanu de ca país ra guzanándacabe laacaʼ?

• ¿Xi biʼniʼ ca hermanu riʼ para iguidxi fe sticaʼ?

• ¿Xiñee bixeleʼ stale publicador de Rumania de xquidxi Jehová ne xi gucané laacaʼ para bibiguétacaʼ?

• ¿Ximodo ruquidxi videu riʼ fe stiluʼ?