Biquiiñeʼ libru ¡Zanda guibániluʼ nayecheʼ! para gacaneluʼ binni gapa fe Jehová ne Jesús

Para ganda gusiecheʼ ca estudiante stinu Dios, caquiiñeʼ gápacaʼ ti fe naguidxi (Heb 11:6). Racané libru ¡Zanda guibániluʼ nayecheʼ! para chindanu ndaaniʼ ladxidóʼ estudiante stinu. Né libru riʼ caadxi textu ni zacané estudiante ca, laaca nayaʼniʼ modo cusiéneni Stiidxaʼ Dios, neni pregunta ni zacané laanu gánnanu ni nuu ndaaniʼ ladxidóʼ estudiante ca, ne laaca neni stale imagen galán ne videu. Pa gacanenu ca estudiante stinu gaca xhamígucaʼ Dios ne gápacaʼ ca cualidad ni naquiiñeʼ gapa ca xpinni Cristu la? zacanenu laacabe gápacabe ti fe naguidxi (1Co 3:12-15).

Nuu binni raca nagana para laa guni cré zanda gaca xhamigu Dios purtiʼ qué randa ruuyaʼ laabe. Nga runi naquiiñeʼ gacanenu laacabe gunibiáʼcabe Jehová ne gápacabe confianza laa.

DESPUÉ DE GÚʼYALUʼ VIDEU NI LÁʼ BIQUIIÑEʼ LIBRU ¡ZANDA GUIBÁNILUʼ NAYECHEʼ! PARA GACANELUʼ BINNI GAPA FE JEHOVÁ, ZANDA GUICÁBILUʼ CA PREGUNTA RIʼ:

• ¿Ximodo nánnanu guca preparar chaahuiʼ hermana riʼ ante chigudii estudiu?

• ¿Xi pregunta ni cadi zeeda lu libru ca biʼniʼ hermana riʼ estudiante ca para guníʼ xi biene ora biʼndaʼ Isaías 41:10, 13?

• Ora biʼyaʼ estudiante riʼ videu ne biʼndaʼ textu ca, ¿ximodo gucané ni laa?

Stale binni qué riene xiñee beeda gati Jesús pur laanu ne qué ruuyacabe ni casi ti regalu ni bidii Dios laanu (Gál 2:20). Nga runi naquiiñeʼ gacanenu laacabe guni crécabe zanda gulá guendaguti stiʼ Jesús laacabe.

DESPUÉ DE GÚʼYALUʼ VIDEU NI LÁʼ BIQUIIÑEʼ LIBRU ¡ZANDA GUIBÁNILUʼ NAYECHEʼ! PARA GACANELUʼ BINNI GAPA FE JESÚS, ZANDA GUICÁBILUʼ CA PREGUNTA RIʼ:

• ¿Ximodo nánnanu guca preparar chaahuiʼ hermanu riʼ ante chigudii estudiu?

• ¿Ximodo biquiiñebe sección ni láʼ «Biiyaʼ xiruʼ zanda guiziidiluʼ» para gucanebe estudiante stibe?

• ¿Xiñee nabé risaca guni orar estudiante ca?