12-18 DE MAYO

PROVERBIOS 13

Canción 34 ne oración | Ca diidxaʼ guzuluné ni (1 min.)

CA TESORO ZEEDA LU BIBLIA

1. Cadi gudiʼnu lugar guzaaniʼ «lámpara stiʼ ca binni malu» laanu

(10 min.)

Cadi cabeza diʼ xiixa cosa galán ca binni malu (Pr 13:9; it-2-S yaza 186, 187).

Cadi gaca xhamíguluʼ ca binni ni ruuyaʼ ca cosa malu ca casi cosa jneza (Pr 13:20; w12 15/7 yaza 12 párr. 3).

Riguu Jehová ndaayaʼ ca binni ni runi ni jneza (Pr 13:25; w04-S 15/7 yaza 31 párr. 6).

Caadxi imagen ni ruchaaga ca decisión ni cadi jneza gucuaa ti hombre ni cadi naca Testigu né ca decisión jneza gucuaa chupa Testigu: 1. Cuyaa ti hombre ndaaniʼ ti doscoteca ne naaze ti vasu ra daʼ alcohol. 2. Despué riuʼchaʼ ladxidóʼ, ne naquiiñeʼ gabi pastilla. 3. Ti huadxí, nuu caadxi hermanu ne hermana ra ti conviviuhuiiniʼ ni cayaca ra ti patiu. Guiropaʼ hombre Testigu que cayuundacaʼ, cuyaacaʼ ne cayónecaʼ xcaadxi hermanu. 4. Sti dxi que, maʼ ziguni predicarcaʼ. — Ca binni ni rinanda ca deseu stiʼ guidxilayú riʼ ruluíʼ si nabánicaʼ galán, peru cadi zacá ni. Ne ca ni runi xhiiñaʼ Jehová la? dxandíʼ peʼ nabánicaʼ nayecheʼ.

2. Guyúbinu ca perla ni gaʼchiʼ

(10 min.)

Pr 13:24. ¿Xi rusiidiʼ ca diidxaʼ riʼ laanu de guendarannaxhii ne ora guni disciplinárcabe laanu? (it-1-S yaza 122 párr. 2).

Ni chiguicábiluʼ
¿Xi perla espiritual bidxélaluʼ biaʼ ra biuundaʼ Biblia semana riʼ?

Ni chiguicábiluʼ

3. Ra guiuundaʼ Biblia

(4 min.) Heb 11:1-16 (th lección 10).

GUSÍʼDINU JMA JNEZA

4. Bizulú guniʼné binni

(3 min.) DE YOO PUR YOO. Bizulú guniʼné binni de xiixa ni cazaaca yanna, peru despué biluíʼ laabe xi ná Biblia de xiixa tema ni riuuláʼdxibe gánnabe (lmd lección 2 punto 5).

5. Bizulú guniʼné binni

(4 min.) PREDICACIÓN INFORMAL. Biʼniʼ invitar binni cheʼ tobi de ca reunión stinu (lmd lección 2 punto 3).

6. Discursu

(5 min.) lmd apéndice A punto 9. Título: Galán zieni xiiñiʼ binni pa guni respetar ne guzuubaʼ stiidxaʼ bixhoze ne jñaa (th lección 16).

MODO RÚNINU XHIIÑAʼ DIOS

Canción 77

7. «Nabé cuzaaniʼ biaaniʼ stiʼ ca binni ni runi ni jneza»

(8 min.) Zanda guicabi ca ni cucaadiaga.

Racané Stiidxaʼ Dios laanu para gácanu ti binni ni nanna ne ni nuu xpiaaniʼ, ne gasti qué zanda guchaaganu ca conseju stini. Ora rinándanu ca conseju ca, ribáninu jma nayecheʼ ne jma galán. Ne nga nga ti cosa ni qué zanda gudii guidxilayú riʼ laanu.

Imagen stiʼ videu «Qué zanda diʼ gudii guidxilayú riʼ lii ni qué gapa». Zuba hermana Gainanshina ra nuu caadxi guiéʼ ne cayuuyadxí guibáʼ.

Bitiidiʼ VIDEU ni láʼ Qué zanda diʼ gudii guidxilayú riʼ lii ni qué gapa. Despué gunabadiidxaʼ ca ni cucaadiaga:

¿Ximodo rusihuinni experiencia stiʼ hermana Gainanshina jma galán «biaaniʼ stiʼ ca binni ni runi ni jneza» que «lámpara stiʼ ca binni malu»? (Pr 13:9).

Ni chiguicábiluʼ

Cadi gunítiluʼ tiempu stiluʼ ra guiníʼ íqueluʼ ñápaluʼ guiráʼ cosa stiʼ guidxilayú riʼ, ne qué chuʼ dxi gaca arrepentirluʼ de ca decision ni maʼ gucuaaluʼ para gúniluʼ xhiiñaʼ Jehová (1Jn 2:15-17). Lugar de nga guníʼ ique pabiáʼ risaca «conocimientu» ni nápanu yanna (Flp 3:8, nota).