19-25 DE MAYO
PROVERBIOS 14
Canción 89 ne oración | Ca diidxaʼ guzuluné ni (1 min.)
1. Biiyaʼ chaahuiʼ xi naquiiñeʼ gúniluʼ ora guizaaca xiixa ni cadi cabézaluʼ
(10 min.)
Gupa lii para cadi guni creluʼ «intiica ni gábicabe» lii (Pr 14:15; w23.02 yaza 22, 23 párr. 10-12).
Cadi guiníʼ íqueluʼ nánnaluʼ guiráʼ cosa (Pr 14:12).
Cadi gulábiluʼ ca binni ni qué runi respetar ni rabi xquidxi Jehová laanu (Pr 14:7).
GUNÍʼ IQUE NDIʼ: Ancianu caʼ, ¿ñee maʼ nuutu listu para chinándatu ca instrucción ni gudiicabe laatu ne gápatu confianza Jehová ora guizaaca xiixa ni cadi cabézatu la? (w24.07 yaza 5 párr. 11).
2. Guyúbinu ca perla ni gaʼchiʼ
(10 min.)
Pr 14:10. ¿Xi rusiidiʼ versículo riʼ laanu? (w06-S 15/9 yaza 19 párr. 7).
¿Xi perla espiritual bidxélaluʼ biaʼ ra biuundaʼ Biblia semana riʼ?
3. Ra guiuundaʼ Biblia
(4 min.) Heb 12:1-17 (th lección 11).
4. Bizulú guniʼné binni
(3 min.) PREDICACIÓN NÉ EXHIBIDOR. Guniʼné ti binni ni nabé cá ique xi gueda guizaaca purtiʼ nabé maʼ caru nuu guiráʼ cosa ne biluíʼ laabe lu Biblia ximodo chigaca chaahuiʼ ni (lmd lección 3 punto 3).
5. Biʼniʼ revisita
(4 min.) DE YOO PUR YOO. Últimu biaje yegánnaluʼ ti binni, bisihuinni guyuulaʼdxiʼ tema ni guníʼneluʼ laa. Bidii laabe ti revista ni caníʼ de tema ca (lmd lección 9 punto 4).
6. Biʼniʼ discípulo
(5 min.) Guluu gana estudiante stiluʼ guʼndaʼ Biblia guiráʼ dxi ne biluíʼ laabe ximodo gúnibe ni (th lección 19).
Canción 126
7. Guyuu listu ante guizaaca xiixa ni cadi cabézaluʼ
(15 min.) Naquiiñeʼ gutiidiʼ ti ancianu ni.
Pa maʼ guníʼ Betel guiete xiixa o pa maʼ guníʼ ca ancianu de xiixa ni naquiiñeʼ gaca la? bizeeteʼ ni.
Cumu maʼ nabáninu lu «ca últimu dxi» la? nánnanu zaroobaʼ ca guendanagana stinu (2Ti 3:1; nota de estudiu stiʼ Biblia diidxastiá stiʼ Mt 24:8, nwtsty-S). Gatigá rabi xquidxi Jehová laanu xi gúninu para gulanu xquendanabáninu ora guizaaca xiixa ni cadi cabézanu. Pa guzúʼbanu diidxaʼ ne chuʼnu listu dede ca yanna ne gúninu stipa chuʼnu gaxha de Jehová la? zándaca guilanu ora guizaaca xiixa zacá (Pr 14:6, 8).
Guyuu gaxha de Jehová. Biindaʼ Biblia guiráʼ dxi ne gupa estudiu personal stiluʼ. Biziidiʼ guni predicarluʼ de gadxé gadxé modo. Cadi guidxíbiluʼ pa málasi qué ganda chuʼluʼ gaxha de ca hermnau de congregación stiluʼ ti tiempu (Pr 14:30). Cadi guiaandaʼ lii siempre nuu Jehová, Dios stiluʼ, ne Jesucristu gaxha de lii (od-S yaza 175, 176 párr. 15-17).
Guluu listu guiráʼ ni zanda iquiiñeluʼ. Cada familia naquiiñeʼ gapa mochila de emergencia stiʼ, peru laaca naquiiñeʼ cuʼ chaahuicaʼ caadxi guendaró, nisa, medicina ne xcaadxi cosa ni zanda iquiiñecaʼ pa qué ganda guireecaʼ de ra lídxicaʼ ti tiempu (Pr 22:3; g17.5-S yaza 4).
Bitiidiʼ VIDEU ni láʼ ¿Ñee nuuluʼ listu para ora guizaaca xiixa emergencia la? Despué gunabadiidxaʼ ca ni cucaadiaga:
¿Ximodo zanda gacané Jehová laanu ora cazaaca xiixa ni cadi cabézanu?
¿Xi naquiiñeʼ gúninu para chuʼnu listu?
¿Ximodo zanda gacanenu ca ni gucaná?
8. Reunión ra riuundaʼ Biblia
(30 min.) bt cap. 26 párr. 18-22 ne cuadru ni zeeda lu yaza 209.