Biyubi ti lugar galán para guni estudiarluʼ

¿Ñuuláʼdxiluʼ niziidiluʼ jma la? Lu artículo riʼ zazíʼdinu xi zanda gúninu para gaca concentrarnu ora maʼ cayuni estudiarnu.

• Biyubi ti lugar galán. Pa zanda la? biyubi ti lugar nayá ra nuu biaaniʼ. Zanda cuiluʼ ruaa ti escritorio o ti mexaʼ, o zanda cuiluʼ fuera xaʼnaʼ ti bandáʼ.

• Biyubi ti lugar ra zanda chuʼluʼ stúbiluʼ. «Siadóʼ guieʼruʼ» guyé Jesús ti lugar para chuʼ stubi ne guni orar Jehová (Mar. 1:35). Pa qué randa riuuluʼ stúbiluʼ, gudxi familia stiluʼ o ca ni nabezané lii pora racaláʼdxiluʼ guni estudiarluʼ ti ganda gudiicabe lugar lii gúniluʼ ni.

• Cadi gaca distraerluʼ. Pa riquiiñeluʼ teléfono o tableta stiluʼ para guni estudiarluʼ, gudixhe ni lu modo avión ti cadi guchiiñani lii. Pa ora cayuundaluʼ guietenaláʼdxiluʼ nuu xiixa ni naquiiñeʼ gúniluʼ, bicaani lu ti guiʼchiʼ ti gúniluʼ ni despué. Ne pa qué ganda gaca concentrarluʼ la? zanda guiziiláʼdxiluʼ o biasa ne guzá ti ratu.