¿Ñee ziuu dxi zabáninu sin guerra la? | ¿Xi caníʼ Biblia de laani?

«Yanna peʼ nga caquiiñeʼ gaca xiixa para chuʼdxí ca guidxi ca ne cadi chuʼ binni lu peligru. Ne caquiiñeʼ gucueeza binni laca laa» (ca diidxaʼ guníʼ António Guterres, secretariu general de las Naciones Unidas, purtiʼ bicaalú Irán guidxi Israel sábadu 13 de abril de 2024).

Guerra ni cayaca Oriente Próximo (ladu riaaziʼ Gubidxa stiʼ Asia) culuiʼni xi cazaaca lu guidubi Guidxilayú.

«Dede dxi guca Segunda Guerra Mundial hasta nagasi maʼ bidale guendaridinde lu guidubi Guidxilayú, ne ca guendaridinde riʼ maʼ bininácani —chupa mil millon de binni— ni nabeza ca lugar riʼ» (Consejo de Seguridad de la ONU, 26 de enero de 2023).

Caadxi de ca lugar ra maʼ bininá ca guendaridinde riʼ nga Israel, Gaza, Siria, Azerbaiyán, Ucrania, Sudán, Etiopía, Níger, Myanmar ne Haití.a

¿Ñee ziuu dxi zabáninu sin guerra la? ¿Ñee zanda guni ca xaíque stiʼ ca guidxi ca xiixa para chuʼ paz la? ¿Xi rusiidiʼ Biblia?

Cayaca guerra lu guidubi Guidxilayú

Guiráʼ ca guendaridinde cayaca lu guidubi Guidxilayú cusihuínnicani mayaca guinitilú guiráʼ ca guerra ca. Ti profecía ni zeeda lu Biblia ribee lá ca dxi nabáninu riʼ casi «dxi guiluxe guidxilayú riʼ» (Mateo 24:3).

• «Ne zunadiágatu cayaca guerra ne noticia de guerra [...]. Purtiʼ zadinde ti guidxi ne sti guidxi ne zucaalú ti reinu sti reinu» (Mateo 24:6, 7).

Biindaʼ artículo ni láʼ «¿Xi rusihuinni maʼ nabáninu «lu ca últimu dxi?» para gú’yalu’ ximodo cayaca cumplir ca profecía ni zeeda lu Biblia pur ca guerra ni nuu yanna riʼ.

Ti guerra ni chigunduuxeʼ guiráʼ ca guerra ni nuu yanna riʼ

Biblia ruzeeteʼ zanitilú guiráʼ ca guerra ca, peru cadi binni chiguni ni, sínuque pur Armagedón, «lu guerra ni chigaca dxi roʼ stiʼ Dios ni jma napa poder» (Apocalipsis 16:14, 16). Guiluxe si guerra riʼ, zuni cumplir Dios promesa stiʼ de guibani binni né guendariuudxi lu Guidxilayú riʼ para siempre (Salmo 37:10, 11, 29).

Para gánnaluʼ jma de guerra stiʼ Dios ni chigunduuxeʼ guiráʼ ca guerra ca, biindaʼ artículo ni láʼ «¿Xii nga Armagedón?».