Xiñee qué riquiiñeʼ ca testigu stiʼ Jehová cruz

Stale binni riníʼ naca cruz ca ti símbolo ni rusihuinni tuu nga ca xpinni Cristu lu guidubi Guidxilayú. Peru laadu ca testigu stiʼ Jehová, neca xpinni Cristu laadu qué riquiiñedu cruz ne laaca qué runi adorardu ni. Xiiñeʼ yaʼ.

Primé la? qué ruzeeteʼ Biblia pa guti Jesús lu ti cruz, sínuque lu ti yaga derechu. Laaca cayuni mandar ni ca xpinni Cristu: «Lausaana bidóʼ, ne cadi guni cre tu laacaʼ». Nga runi, pa iquiiñenu cruz para guni adorarnu Dios la? maʼ cayuni adorarnu bidóʼ (1 Corintios 10:14; 1 Juan 5:21).

Guiropa, Jesús peʼ bisiidiʼ xi zusihuinni cani dxandíʼ xpinni ora guníʼ: «Pa ganaxhii saa tu zacá la? zanna binni xpinne laatu» (Juan 13:34, 35). Nga runi, cadi cruz o sti bidóʼ nga gusihuinni naca tuuxa xpinni Cristu, sínuque pa dxandíʼ nadxii sti binni.