Ni zacané lii gápaluʼ sabiduría
«Guiráʼ ni cá lu Stiidxaʼ Dios la? Dios nga guníʼ xi guicá luni» (2 Timoteo 3:16). Diidxaʼ «xi guicá luni» riniʼni Dios ni jma napa poder nga gudxi caadxi hombre xi gucaacaʼ lu Biblia.
Racalaʼdxiʼ Dios cueenduluʼ ni galán
«Naa, Jehová [...], ni cusiidiʼ lii para cheʼ ni lii galán. Ni cayabi lii gunáʼ nga neza ra naquiiñeʼ saluʼ. ¡Pa lii dxandíʼ nucaadiaʼguʼ ca mandamientu stinneʼ! Óraque ñeeda gaca guendariuudxi stiluʼ casi peʼ ti guiiguʼ, ne guendaruni jneza stiluʼ casi ola nisadóʼ» (ISAÍAS 48:17, 18).
Racalaʼdxiʼ Dios gápaluʼ paz ne cadi gusaana de chuʼluʼ nayecheʼ. Cayuni invitarbe lii guibániluʼ sicaríʼ, ne zanda gacanebe lii ugaanduʼ ca ni.
Zanda cueenduluʼ ni galán
«Naquiiñeʼ gaca predicar ca noticia galán riʼ primeru ndaaniʼ guiráʼ guidxi» (MARCOS 13:10).
«Ca noticia galán riʼ» rusiidiʼ ca ni maʼ cadi candaa zabee Jehová guiráʼ ca yuubaʼ ni nuu, zúnibe Guidxilayú riʼ ti paraísu ne zusibánibe ca familia stinu ne ca xhamígunu ni maʼ guti. Cayuni predicar ca testigu stiʼ Jehová mensaje stiʼ Biblia lu guidubi Guidxilayú.