2 NDAA
De ra beeda Nisaguié naroʼbaʼ dede ra bilácabe Egipto
Xhono si binni bilá lu Nisaguié naroʼbaʼ que, peru chaahuidugá bidálecabe. Despué de 352 iza de beeda Nisaguié naroʼbaʼ que la? gule Abraham. Zazíʼdinu ximodo Dios biʼniʼ ni bizabiruaa ra bidiibe Abraham ti xiiñiʼ ni biree lá Isaac. Ne de lu guiropaʼ xiiñiʼ Isaac que la? Dios gulí Jacob.
Binnilidxi Jacob nabé bidale, gúpabe doce hombre ne chupa chonna gunaa. Ca chii xiiñiʼ Jacob riʼ la? guca nanaláʼdxicabe bíʼchicabe ni jma nahuiiniʼ, José, ne bitoocabe laabe para gácabe esclavu Egipto. Despué José beeda gaca ti hombre risaca Egipto. Ora beeda ti guendarindaana la? José biiyaʼ pa dxandíʼ maʼ bichaa ca biʼchiʼ. Despué guiráʼ binnilidxi Jacob o ca israelita la? yendézacaʼ Egipto. Guca ndiʼ chupa gayuaa noventa iza despué de gule Abraham.
Lu chupa gayuaa quince iza gudiʼdiʼ que la? ca israelita que gulézacaʼ Egipto. Guti si José la? maʼ beeda gácacabe esclavu raqué. Despué gule Moisés, ne Dios biquiiñeʼ laabe para gulabe ca israelita que de Egipto. Biaʼsi rizaa xhono gayuaa cincuenta y siete iza de historia lu 2 NDAA riʼ.