1 ndaa

Ximodo zanda gannuʼ xi canabaʼ Dios lii

Xi diidxaʼ risaca zeeda lu Biblia (1)

De tu laa zeeda Biblia (2)

Xiñee naquiiñeʼ gúʼndaluʼ Biblia (3)

1. Dios bisigaʼdeʼ laanu ti libru risaca stálepeʼ nga nga Biblia. Zeeda gácani casi ti carta ni rucaa ti binni ni nadxii xiiñiʼ. Cayábini laanu ni dxandíʼ de Dios: tuu nga laabe ne xi ley nápabe. Laaca cusiéneni laanu ximodo gudxiilunu guendanagana ne ximodo guidxélanu guendanayecheʼ. Biblia si nga cayabi laanu xi naquiiñeʼ gúninu para gusiéchenu Dios (Apocalipsis 1:3; Santiago 1:25).

2. Biaʼ cuarenta hombre nga bicaa Biblia, bizulú gucuani iza 1513 a.D.S. (ante de ca Dxi Stinu) ne yeneni ti mil xhoopaʼ gayuaa iza para bilúxeni. Nápani 66 libruhuiiniʼ. Bisiaani Dios xquendabiaaniʼ ca ni bicaani ca, nga nga rábinu bicaacabe de xquendabiaaniʼ Dios, cadi de xpiaanisícabe. Pur nga runi Biblia cadi zeedani de nin ti binni de Guidxilayú, sínuque zeedani de Dios ni nuu Guibáʼ (2 Timoteo 3:16, 17; 2 Pedro 1:20, 21).

3. Dios gúpabe stiidxabe para gaca copiarni cásipeʼ nabe ne guiaapaʼ ni dede ca dxi stinu. Jma stale copia stiʼ Biblia maʼ huayaca que intiica libru. Cadi guirácabe ziechenécabe lii ora gúʼndaluʼ Biblia, peru cadi pur nga gusaanuʼ de gúniluʼ ni. Guendanabani ni qué zaluxe ca zacaaluni pa lii gunibiaʼluʼ Dios ne guʼnuʼ ni nabe neca chuʼ tu gacalaʼdxiʼ gucueeza lii (Mateo 5:10-12; Juan 17:3).