4 ndaa

Tuu nga Binidxabaʼ

Ximodo beeda chuu Binidxabaʼ ni laaca láʼ Satanás ne Diablu (1, 2)

Ximodo rusiguiibe binni (3-7)

Xiñee naquiiñeʼ gucaaluluʼ Binidxabaʼ (7)

1. Ridxaagapeʼ ca diidxaʼ riʼ para ni jma xhenemigu Dios: «Binidxabaʼ» ni laaca láʼ «Satanás ne Diablu». Diidxaʼ «Satanás» riniʼni tobi ni rucaalú. Ne diidxaʼ «diablu» riniʼni tobi ni ribeendate. Primé la? gúcabe ti ángel ni qué ñapa donda ne bibaninebe Dios guibáʼ, peru gucaláʼdxibe nicaabe adoración ni naquiiñeʼ guicaa Dios laa si (Mateo 4:8-10).

2. Ángel ni láʼ Binidxabaʼ riʼ la? biquiiñebe ti beendaʼ para guníʼnebe Eva ne pur ca guendarusiguii stibe la? bicaabe laa gucheené Dios. Ne zacá bicaalube «derechu ni napa Dios de guni mandar», nga nga rábinu bicaalube Ni Nuu Jma Luguiáʼ de Guidxilayú. Guluube ndaaniʼ ique binni de que Dios cadi cayuni mandar diʼ jneza ne cadi cayuni diʼ ni galán para Ca xpinni. Laaca rizulube guirutiʼ tu zuni ni na Dios. Ra bíʼnibe zacá la? gúcabe xhenemigu Dios. Ngue runi biree labe Satanás ne Diablu (Génesis 3:1-5; Job 1:8-11; Apocalipsis 12:9).

3. Binidxabaʼ racalaʼdxiʼ gusiguii binni para guni adorárcabe laa (2 Corintios 11:3, 14). Tobi de ca ni riquiiñeʼ Binidxabaʼ nga religión ni cadi dxandíʼ. Pa ti religión qué rusiidiʼ ni dxandíʼ de Dios la? cayuni ni na Binidxabaʼ (Juan 8:44). Ca binni ni nuu ndaaniʼ ti religión ni qué rusiidiʼ ni dxandíʼ la? zándaca guni crecaʼ de guidubi ladxidoʼcaʼ cayuni adorarcaʼ ti Dios ni dxandíʼ dxandipeʼ, peru cayúnicabe ni na Binidxabaʼ purtiʼ laabe nga dios stiʼ guidxilayú riʼ (2 Corintios 4:4).

4. Guiníʼnecabe ca espíritu nga stobi ni riquiiñeʼ Binidxabaʼ para quite binni. Zándaca nuu tuuxa binni guinabaruaa ca espíritu ca para gapa laacaʼ, guninacaʼ stobi, guiniʼcaʼ ni chiguizaaca o gúnicaʼ milagru. Binidxabaʼ nga ti espíritu ni qué iquiiñeʼ ni nuu neza deche guiráʼ cani. Pa racaláʼdxinu chulaʼdxiʼ Dios ni cayúninu la? cadi naquiiñeʼ gápanu gastiʼ ne ca espíritu ca (Deuteronomio 18:10-12; Hechos 19:18, 19).

5. Binidxabaʼ laaca riguite binni ora rucaabe laacaʼ guiníʼ íquecaʼ de que raza sticaʼ jma dxiʼbaʼ ni que stuudxi, ne ra runi adorárcabe grupu políticu. Ne dxandipeʼ nuu binni runi cré de que xquidxi o raza stiʼ dxiʼbaʼ ni luguiáʼ stuudxi. Peru cadi dxandíʼ diʼ nga (Hechos 10:34, 35). Xcaadxi la? ribézacaʼ de que ca grupu políticu ca guni chaahuiʼ guiráʼ guendanagana stiʼ binni guidxilayú. Ora rúnicabe sicaríʼ la? cucaa nácabe Reinu stiʼ Dios ni dxandipeʼ zanda guni chaahuiʼ guiráʼ guendanagana stinu (Apocalipsis 11:15).

6. Sti modo riguite Binidxabaʼ binni nga, uquiindebe laanu gúninu ni racalaʼdxiʼ beela ládinu para gucheenu. Jiobá cayabi laanu cadi gúninu ni na beela ládinu purtiʼ nánnabe zuniná cani laanu (Gálatas 6:7, 8). Zándaca chuʼ tuuxa uquiinde lii guidxaaguʼ laa para gúnitu xiixa ni cadi jneza. Peru bietenalaʼdxiʼ Binidxabaʼ nga racalaʼdxiʼ gúniluʼ cani (1 Corintios 6:9, 10; 15:33).

7. Binidxabaʼ zanda iquiiñeʼ stobi para gucueeza o sananda lii para gusaanuʼ Jiobá. Zándaca ca binnilídxiluʼ guidxiichi xhaatacaʼ ne lii purtiʼ cayuundaluʼ Biblia. Xcaadxi la? zándaca ugaandacaʼ lii, peru tu laa nuzaabuʼ guendanabani stiuʼ yaʼ. Binidxabaʼ racalaʼdxiʼ guchibi lii para gusaanuʼ de guiziiduʼ jma de Jiobá. Cadi gudiiluʼ lugar gucueezabe lii (Mateo 10:34-39; 1 Pedro 5:8, 9). Ra gucaaluluʼ Binidxabaʼ la? susiechuʼ Jiobá ne zusihuinnu de que nuuluʼ pur derechu de guendaruni mandar Stibe (Proverbios 27:11).

[Dibuju/foto ni zeeda lu yaza 9]

Religión ni cadi dxandíʼ, guendarannaxhii guidxi ne cani riniʼné espíritu la? rusiguii cani binni

Bicaalú Binidxabaʼ, ra cadi gusaanuʼ de guiziiduʼ de Jiobá